ޔަމަނުގެ ހޫތީ މުޖާހިދުން އިސްރާއީލާއި ދެކޮޅަށް ދެމުންގެންދާ ހަމަލާތަކާއި ހިންގަމުންގެންދާ ބްލޮކޭޑާއި ދެކޮޅަށް މެދުއިރުމަތީގެ އަރަބި މުސްލިމް ގައުމުތަކުން އިސްރާއީލަށް ވާގިވެރިވެ އެހީތެރިކަން ފޯރުކޮށްދެމުން ގެންދާކަން ހާމަވެއްޖެއެވެ. 

އިސްރާއީލުގެ ވައްލާ ވެބްސައިޓުގައި ލިޔެފައިވަނީ، “ ރަތްކަނޑު ހުރަސްކުރުމަށް ”ލޭންޑްބްރިޖް“ އެއްގެ ގޮތުގައި ދުބާއީ ބޭނުންކޮށްގެން، ދުބާއީމަގުން އިސްރާއީލަށް ގެންނަން ހަމަޖެހިފައިވާ ތާޒާ ކާބޯތަކެތީގެ ކޮމާޝަލް ޝިޕްމެންޓްތަކުގެ ފުރަތަމަ ބެޗު ލިބިއްޖެ. މި މުދާތައް އުފުލާފައިވަނީ، ދުބާއީގެ ބަނދަރުތަކާއި، ސައުދީ އަރަބިއާއާއި، ޖޯޑަން ބޭނުންކޮށްގެން. މި ”ބްރިޖް“ގެ ދިގުމިނަކީ 2000 ކިލޯމީޓަރު އަދި ދަތުރުގެ ދިގުމިނަކީ 2 ދުވަސް.“ 

މެދުއިރުމަތީގެ އަރަބި މުސްލިމް ގައުމުތަކުގެ ވެރީންގެ ނިންމުންތަކުގެ ސަބަބުން އެގައުމުތަކުގެ ރައްޔިތުންނާއި، ބައިނަލްއަޤްވާމީ މަސްރަހުގައިވެސް އާންމުންގެ ފާޑުކިޔުން އެގައުމުތަކުގެ ވެރީންނަށް އަންނަނީ އަމާޒުވަމުންނެވެ. ޣައްޒާގައި އިސްރާއީލުން ހިންގަމުންގެންދާ ހަމަލާތަކާއި ދެކޮޅަށް އަމަލީ ގޮތުން ފިޔަވަޅުއަޅައި، ފަލަސްތީނަށް ވާގިވެރިވުމަށްޓަކައި އިސްރާއީލަށް ހަމަލާދެމުން އަންނަނީ ޔަމަނުގެ ހޫތީ މުޖާހިދުންގެ އިތުރުން، ލުބުނާނުގެ ހިޒްބު މުޖާހިދުން އެކަންޏެވެ.