އިސްރާއީލާއި ގުޅުން އޮންނަ މަޝްހޫރު ޝިޕިންގް ކުންފުނި، މެއާސްކްގެ މުދާއުފުލާ ބޯޓަކަށް ޔަމަނުން ހަމަލާދީފިއެވެ.
މި ބޯޓަށް ޔަމަނުން ހަމަލާ ދީފައިވަނީ ރަތް ކަނޑުން ދަތުރުކުރަމުން ދަނިކޮށް ޔަމަނުން ފޮނުވާލި އެންޓި ޝިޕް މިސައިލެއް އަމާޒުކޮށްގެންނެވެ.
ޔަމަނުން ދިން ހަމަލާގައި، މެއާސްކްގެ ބޯޓަށް މާބޮޑު ގެއްލުމެއް ލިބިފައި ނުވިނަމަވެސް، ރަތްކަނޑުން ދަތުރުކުރާ އުޅަނދުތަކަށް ޔަމަނުގެ މުޖާހިދީން ދެމުންގެންދާ ހަމަލާތަކުގެ ސަބަބުން އެކުންފުނީގެ ބޯޓުތައް ރަތްކަނޑުގައި ކުރާ ދަތުރުތައް މެދުކަނޑާލަން ނިންމާފައިވާކަން މެއާސްކުން ވަނީ އިއުލާނުކޯށްފައެވެ.
މެއާސްކް ކުންފުންޏަކީ ދުނިޔޭގެ ދެވަނަ އަށް އެންމެ ބޮޑު ޝިޕިންގް ކުންފުންޏެވެ. އިސްރާއީލުން ޣައްޒާގައި ދެމުންގެންދާ ހަމަލާތަކާއި ގުޅިގެން އިސްރާއީލާއި، އެގައުމުގެ މަސްލަހަތު އޮންނަ ފަރާތްތަކާއި ދެކޮޅަށް ފިޔަވަޅު އަޅައި ރައްދު ދެމުންގެންދަނީ ލުބުނާނުގެ ހިޒްބު މުޖާހިދުންނާއި، ޔަމަނުގެ ހޫތީ މުޖާހިދުން އެކަންޏެވެ. މިމައްސަލައިގައި އެހެން ގައުމުތަކުން ބުނާ ބަހާއި އަމަލާއި ދިމާވާތަނެއް ނުފެނެއެވެ.
