އޮސްޓްރޭލިއާގެ އިރުމަތީ ސަރަހައްދުގައި އޮންނަ ސްޓޭޓްތަކަށް ބޯވާރެއާއެކު ވައިގަދަވެ ހޮނުއަޅަމުން އަންނައިރު، ނިއު ސައުތު ވޭލްސް (އެންއެސްޑަބްލިއު) ސަރަހައްދުގައި ފެންބޮޑުވާނެކަމުގެ އިންޒާރު ދީފިއެވެ.
އެންއެސްޑަބްލިއުގެ ސައުތު ކޯސްޓުގައި 300 މިލިމީޓަރަށް ފެންބޮޑުވާނެކަމަށް ލަފާކޮށްފައިވާއިރު، އެސަރަހައްދުގެ އަވަށްތަކަށްވެސް ވިއްސާރައިގެ އަސަރުކުރާނެކަމަށް މޫސުމާއި ބެހޭ ވުޒާރާތަކުން ލަފާކުރެއެވެ.
ފާއިތުވެދިޔަ 24 ގަޑިއިރުގެ ތެރޭގައި އޮސްޓްރޭލިއާގެ ސަސަފްރަސްއަށް 231 މިލިމީޓަރުގެ ވާރޭ ވެހިފައިވާއިރު، އަލަޑަލަ އަށް 196 މިލިމީޓަރު އަދި ޖާވިސް ބޭ އެއަރފީލްޑަށް 225 މިލިމީޓަރުގެ ވާރޭ ވެހިފައިވާކަން ވަނީ ރިޚޯޑުކުރެވިފައެވެ.
މިގޮތުން، ވައިގަދަވެ ބޯކޮށް ވާރޭވެހުމުގެ ސަބަބުން އެންއެސްޑަބްލިއު ސައުތު ކޯސްޓުގެ ގިނަ ސަރަހައްދުތަކެއްގައި ދިރިއުޅޭ މީހުންގެ ފުރާނައަށް ނުރައްކާވާ މިންވަރަށް ފެންބޮޑުވެގެން ހިނގައިދާނެކަމަށް މުސުމާއި ބެހޭ ވުޒާރާތަކުން ވަނީ ހާމަކޮށްފައެވެ.
