ފަލަސްޠީނު-އިސްރާއީލު މައްސަލާގައި ސައުތު އެފްރިކާއިން ފަލަސްޠީނާއި އެއްކޮޅަށް ބަސްބުނުމުން އިސްރާއީލުން ދެކުނު އެފްރިކާއަށް ކަނޑައަޅާފައި ހުންނަ ސަފީރު، އީލިއާވް ބެލޮޓްސަކޮވްސްކީ އަނބުރާ އިސްރާއީލަށް ގެންގޮސްފައިވާކަން އިސްރާއީލުގެ ޚާރިޖީ ވުޒާރާއިން ހޯމަދުވަހު ހާމަކޮށްފިއެވެ.
ބައިނަލްއަޤްވާމީ ކްރިމިނަލް ކޯޓުން އިސްރާއީލުން ކުރަމުންދާ ހަނގުރާމަމަތީ ކުށްތައް ތަހުގީގުކުރުމަށް ދެކުނު އެފްރިކާގެ ރައީސް، ސައިރިލް ރަމަފޯސާ ގޮވާލެއްވާފައިވާއިރު، އެގައުމުގެ ވެރިކަންކުރާ ޕާޓީ، އެފްރިކަން ނެޝަނަލް ކޮންގްރެސް (އޭއެންސީ) އިންވަނީ އެކަމަށް މަރުހަބާ ކިޔާފައެވެ. އޭއެންސީ އިން ބުނެފައިވަނީ، އެގައުމުގައި ހުންނަ އިސްރާއީލުގެ އެމްބަސީ ބަންދުކުރުމަށް މަޖިލީހަށް ބިލެއް ހުށައަޅައިފިނަމަ އެއަށް ތާއީދުކުރާނެކަމަށެވެ.
އިސްރާއީލުން ޣައްޒާއަށް ދެމުންދާ ހަމަލާތަކާއި މެދު ނުރުހުންވެ ފާޅުގައި އިސްރާއީލަށް ފާޑުކިޔަމުން އަންނަ ދެކުނު އެފްރިކާއިންވަނީ، އިސްރާއީލުގައި ތިބި އެގައުމުގެ ޑިޕްލޮމެޓުން އަނބުރައި ގެނެސްފައެވެ.
One Response
ޢަރަބި ގައުމުތަށް ކީއްތަ މިކުރަނީ؟