އިންތިޚާބީ ރައީސް ޑރ.މުހައްމަދު މުޢިއްޒު ރައީސްކަމުގެ ހުވާކުރެއްވުމުގެ ރަސްމިއްޔާތު އިންތިޒާމު ކުރުމަށް 22.9 މިލިއަން ރުފިޔާއަށް ސިފައިންގެ ވެލްފެއާ ކުންފުނި (ސިވެކް) އާ ހަވާލުކޮށްފިއެވެ.
ރައްޔިތުންގެ މަޖިލީހުގެ އިދާރާއިން މިއަދު ބުނީ ޑރ.މުޢިއްޒު ރައީސްކަމުގެ ހުވާކުރެއްމުގެ ރަސްމިއްޔާތުގެ އިންތިޒާމުތައް ހަމަޖެއްސުމުގެ ކަންކަން ޓެންޑާ ބޯޑުން 22.9 މިލިއަން ރުފިޔާއަށް ސިފްކޯއާ ހަވާލުކޮށްފައިވާ ކަމަށެވެ.
އިންތިޚާބީ ރައީސްއާއި އިންތިޚާބީ ނައިބު ރައީސް ޙުސައިން މުޙައްމަދު ލަޠީފު (ސެމްބެ) ހުވާކުރެއްވުމަށް ހަމަޖެހިފައިވަނީ ނޮވެމްބަރު މަހުގެ 17 ވަނަ ދުވަހު ހަވީރުއެވެ.
ހުވާކުރެއްވުމުގެ ރަސްމިއްޔާތު ބާއްވަން ހަމަޖެހިފައިވަނީ ޖުމްހޫރީ މައިދާނުގައެވެ. މި ރަސްމިއްޔާތަށް 3،500 އެއްހައި ބޭފުޅުންނަށް ދައުވަތު ދިނުމަށް ހަމަޖެހައިފައިވާއިރު, އޭގެތެރޭގައި ބޭރުގެ ގައުމުތަކުގެ އިސްވެރިން ވެސް ހިމެނިވަޑައިގަންނަވައެވެ.
One Response
ތިގޮތަށް ބަލާލަދީބަލަ އެ ހަޔާތްގޮވާ ރައްޔަތުންގެ މުދަލަށް އަރައިގަނެ ލޫޓުވާ ރައްޔަތުންގެ މަޖިލީސް އަށް އަހަރަކު ކިތައް މިލިޔަން ޚަރަދު ކުރޭތޯ. ޕާޓީގެ ހަރުގެ ތަކަކަށް އެތަން ބަދަލުވެ ރޯ އާގުރާނަ ގޮވާ ރައްޔަތުން މަޖިލިސްގޭގެ ތަކެތި ހަލާކުކޮށް ވަލު ޖަނަވާރުންހެން ތެޅިބާލާ ފުމެ އަރުވާ ބައިގަޑުގެ ޚަރަދު ބަރަދު ރައްޔަތުންނަށް ގެނެސް ދީބަލާށެވެ. ލަދުން ބޯހަލާކު! ރައީސް ހުވާކުރެއްވުމަށް ދާނެ ވަރު އެގިއްޖެއެވެ!