ރައްޔިތުންގެ މަޖިލީހުގެ ތުލުސްދޫ ދާއިރާގެ މެމްބަރުު އިބްރާހިމް ނަސީމް ޕީޕަލްސް ނެޝަނަލް ކޮންގްރެސް (ޕީއެންސީ) އާ ގުޅިވަޑައިގެންފިއެވެ.
ކުރިއަށް އޮތް ރިޔާސީ ދައުރުގައި ރާއްޖޭގެ ވެރިކަން ކުރާނެ މައި ޕާޓީ ޕީއެންސީއަށް ނަސީމް ސޮއިކުރައްވައި މެމްބަރޝިޕް ފޯމު ހަވާލުކުރެއްވީ އެ ޕާޓީގެ ޗެއާޕާސަން ޢަބްދުއްރަޙީމް (އަދުރޭ) އާ އެވެ.
ޕީއެންސީއަށް ސޮއިކުރެއްވުމާ ހަމައަށް ނަސީމް ހުންނެވީ މިނިވަން މެންބަރެއްގެ ގޮތުގައެވެ.
ކުރިއަށް އޮތް ދުވަސްތަކުގައި މަޖިލީހުގެ އިތުރު މެމްބަރުންތަކެއް ވެސް ޕީއެންސީއާ ގުޅިވަޑައިގަންނަވާނެ ކަމުގެ އަޑުތައް ވަނީ ފެތުރިފައެވެ.
ނަސީމް ޕީއެންސީއަށް ސޮއިކުރެއްވުމާއެކު މަޖިލީހުގައި މިހާރު ތިއްބަވާނީ އެ ޕާޓީގެ ފަސް މެންބަރުންނެވެ. އޭގެތެރޭގައި ހިމެނިވަޑައިގަންނަވަނީ ޕީއެންސީގެ ޕާލަމެންޓްރީ ގުރޫޕުގެ ލީޑަރު, މަޑުއްވަރީ ދާއިރާގެ މެންބަރު އާދަމް ޝަރީފާއި މާވަށު ދާއިރާގެ މެންބަރު މުޙައްމަދު ސަޢީދާއި ފެލިދޫ ދާއިރާގެ މެމްބަރު ފަޒުލް ރަޝީދުގެ އިތުރުން ފަރެސްމާތޮޑާ ދާއިރާ ތަމްސީލު ކުރައްވާ އިންތިޚާބީ ނައިބު ރައީސް ޙުސައިން މުޙައްމަދު ލަޠީފް (ސެމްބެ) އެވެ.
One Response
މެމްބަރުން ގަތުމެއް އެއްވެސް ޕާޓީއަކުން ނުޙުއްޓާނެތާއެވެ. އެހެންވީމާ ވިކެންވެސް މެމްބަރުން ތިބޭނެއެވެ. އެހެނީ މިހާރު މެމްބަރުކަމަށް އާދެވެނީ މަދުވެގެން 5 މިލިޔަން ޚަރަދުކޮށްގެންކަމަށް ވެއެވެ. އަދި ބައި ބޮޑެތި ދާއިރާ ތަކުގައި 12 މިލިޔަންގެ ރިޝްވަތު ދީގެންކަމަށެވެ. ވީއިރު އެއްވެސް ވެރިޔަކަށް މިގައުމުގެ ކަރަޕްޝަނާއި ފަސާދަ މައިތިރި ކުރާނީ ކިހިނެއްތޯއެވެ؟ މިފެށުނީ ޕީއެންސީގެ ޓްރޭޑިންގް އެވެ. މެމްބަރުން ނާއި ޑީލްހަދާ ގަތުމުގެ ވިޔާފާރި ފެއްޓީ އެމްޑީޕީ އިން ނަޝީދުގެ ވެރިކަމުގައެވެ. ފުރަތަމަ ޓްރޭޑިން ކުރީ ބޫން ބޫން ޢަލީވަޙީދުއެވެ. 21 މިލިޔަަން ރުފިޔާ ދީގެނޭ ބުނެފާވެއެވެ. ސަހަރޯ އޭ ހިތައް އަރައެވެ.