މިދިޔަ އަންގާރަދުވަހު އ. ދ. ގެ އާންމު މަޖިލީހުގައި އީރާނުގެ ރައީސް އިބްރާހިމް ރައީސީ ތަގްރީރު ކުރައްވަން ފެއްޓެވުމާއެކު ތެހެރާނުގެ ގާތިލޭ ގޮވަމުން އިސްރާއީލުގެ ސަފީރު ޖަލްސާއިން ނިކުމެއްޖެއެވެ.
މިހާރުވެސް އީރާނުން ޖެނެރަލް އެސެމްބްލީގެ ވައިސް ޕްރެޒިޑެންސީގެ ގޮނޑިއެއްފުރުއްވަމުން ގެންދިއުމާއި އަދި މިއަހަރު ނޮވެމްބަރުގައި އ. ދ. ގެ އިންސާނީ ޙައްގުތަކާބެހޭ ކައުންސިލްގެ ސޯޝަލް ފޯރަމްގެ ރިޔާސަތުގެ ގޮނޑީގައިވެސް އިށީންދެ ވަޑައިގަންނަވާނީ އީރާނުގެ މަންދޫބުކަން ފާހަގަކޮށް އިސްރާއީލުން ގެންދަނީ އ. ދ. އަށް ރުޅިގަނޑު ބާލަމުންނެވެ.
އ. ދ. ގެ މައި ޢިމާރާތުގެ ބޭރުގައި އެއްވެފާތިބި އީރާނަށް ތާއީދު ކުރަމުން ގެންދާ ގިނަބަޔަކު އެމީހުންގެ އަޑުވެސް އިއްވަމުން ގެންދިޔައެވެ. އޭގެ ތެރޭގައި އީރާނުގައި ހުރި އިނގިރޭސިވިލާތުގެ އެމްބަސީއަށް 2011 ވަނައަހަރު ވަދެގަތް މީހަކުވެސް ހުރިކަމަށްވެއެވެ.
އަދި އެހެންމީހަކު އެތަނުގައިހުރި ޖާރނަލިސްޓަކާ ދިމާލަށް “ ކަލޭގެ އަތް ތުރުތުރު އަޅާތަން ފެނުމުން އަހަރެން ވަރަށް އުފާވެއްޖެކަމަށާއި އިރާނުގެ ދުޝްމިނުން އަބަދުވެސް ތިބެންޖެހޭނީ ތިޔަހެން ތުރުތުރު އަޅައޭ “ ބުނިކަމަށްވެއެވެ.
އީރާނުގެ ނިއުކްލިއަރ ގާބިލުކަން ހުރި ފެންވަރު އެމެރިކާއަށް ވަރަށްރަނގަޅަށް އެނގެއެވެ. މި ސަބަބަށްޓަކައި އެމެރިކާ ސަރުކާރުން އެހެންގޮތެއް ނެތިގެންނަމަވެސް މިހާރު ބަލަމުން އެގެންދަނީ އީރާނަށް އަޅާފައިވާ ގިނަ ދަތިކުރުމުގެ ފިޔަވަޅުތައް ކޮންމެވެސް ބަހަނާއެއް ދައްކައިގެން އުވާލެވޭނެގޮތްތަކެއް ހޯދަން މަސައްކަތް ކުރަމުން ކަމަށާއި އީރާނުގެ ނިއުކްލިއަރ ގާބިލުކަން އެފެންވަރުގައި ހިފޭއްޓޭނެ ގޮތަކަށް ބޭއްވުމުގެ ވިސްނުމެއްގައިކަން އެނަލިސްޓުންވެސް ގެންދަނީ ތުޙުމަތު ކުރަމުންނެވެ.
އެމެރިކާގެ ބާރުން ހިފާއްޓާފައިވާ އީރާނުގެ އެތައް ބިލިއަން ޑޮލަރެއްގެ ތެރެއިން މިދިޔަ އޯގަސްޓް މަހުގެތެރޭގައި އީރާނުގައި ހިފާއްޓާފައިތިބި އެމެރިކާގެ ފަސް މީހަކު ދޫކޮށްލުން ޝަރުތުކޮށް އީރާނަށް ދިން 6 ބިލިއަން ޑޮލަރަކީވެސް މީގެ ހެއްކެއް ކަމަށާއި އަދި ކުރިއަށް އޮތްތަނުގައި ސީދާ ބަހުންބުނުމަކާއި ނުލައި އެކަމަކު “ ކަލޭމެންގެ ފައިސާ ހޯދޭނެ މަގެއް މި ހުޅުވާދިނިއްޔޭ “ ބުނުން ކަމަށް އެނަލިސްޓުން ތުހުމަތު ކުރެއެވެ.
ހިފާއްޓާ ކޮންމެ މީހަކަށް ދޮޅު ބިލިއަން އެމެރިކާ ޑޮލަރުގެ ރޭޓެއްވެސް އެއޮތީ ހަމަޖަސްސާދީފައެވެ. ނަމަވެސް އެއީ އީރާނުގެ ފައިސާއެވެ!
ހުޅަނގުގެ ސިޔާސީ ބޭފުޅުން އީރާނުގެ ކުރިމަތީގައި ފެނިގެންމިދަނީ ތަސައްރުފު ނުފުދޭ ކުޑަކުދިންގެ މިސާލުގައެވެ. އީރާނުން ގަބޫލުކުރާ ގޮތުގައި ތިންވަނަ ބޮޑު ހަނގުރާމައެއް ފެށޭނީ ޔަހޫދީންގެ ސަބަބުންނެވެ. އަދި އެ ހަނގުރާމައިގާ އިމާމް މަހްދީގެފާނު ފާޅު ކުރައްވާނެއެވެ. މިއީ އީރާނުންގެ ޢިއުތިގާދެވެ. އެމީހުންގެ ސިޔާސަތު ބިނާކުރެވެމުން ދާނީ މި ފަލްސަފާގެ މައްޗަށެވެ.
އިރާނުގެ އެންމެބޮޑު ނުރައްކަލަކާއި ކުރިމަތިލާން ޖެހޭނީ އިނގިރޭސި ވިލާތުންނެވެ. އީރާނުގެ ނުރައްކާތެރި އިންޓެލިޖެންސް ސަރވިސްގެ ޙަމަލާތަކާއިއިނގިރޭސިވިލާތުން މިދިޔަ އަހަރުވެސް ކުރިމަތިލާން އޮތީ ޖެހިފައެވެ.
މުސްތަގްބަލްގެ ފަނާކުރަނިވި ހަރަކާތުގެ ނަމުގައި އިނގިރޭސި ވިލާތުގައި ޚާއްސަ މަގާމެއް ދެވިފައިވާ ޔަހޫދީންނަށް ފާރަލަމުން ގެންދިޔަކަން ސެކިއުރިޓީއާބެހޭ ވަޒީރު ޓޮމް ޓަގެންދަޓް ޖްވިޝް ކްރޯނިކްލް އަށް މަޢުލޫމާތު ދެއްވާފައިވެއެވެ.
މިވަރުންވެސް އިނގިރޭސި ޚާރިޖިއްޔާއިން ގެންދަނީ އީރާނުގެ ރިވޮލިއުޝަރަނީ ގާރޑުން ބްލޮކް ކުރުމަޓަކައި ދާޚިލީ ވުޒާރާއިން ކުރަމުންގެންދާ މަސައްކަތް ހުއްޓުވަމުންނެވެ.
މިކަމުގައި އިނގިލި ދިމާކުރަންވީ ހަމައެކަނި ޚާރިޖީ އޮފީހުގެ ސްޓޭޓް މިނިސްޓަރ ޖޭމްސް ކްލެވަރލީ އަކަށްނޫނެވެ. އ.ދ. އަށް ބަލާލިއަސް އެ ޖަމްޢިއްޔާގެ މަދުވެގެން 7 އިދާރާއެއްގައި އޮތީ އިސްރާއީލޯ ފޯބިޔާގެ ފަނިއަޅާފައެވެ.
އެތަންތަނުގެ ކޮންމެ ބައްދަލުވުމެއްގައި ބަހުސް ކުރެވޭ މައިގަނަޑު ދާއިރާއަކީ ޔަހޫދީންގެ އަނިޔާވެރިކަމެވެ. އެންމެ ފަހަރަކުވެސް އީރާނުގެ ވާގަކައެއް ނުދައްކައެވެ.
ކަންތައް މިހެން އޮއްވާ އީރާނަށް ނިއުކްލިއަރ ގާބިލުކަން ލިބިއްޖެނަމަ ދެން ކަންތައް ވަމުންދާނެގޮތް ވިސްނިވަޑައިގަންނަވަނީ ހަމައެކަނި އ. ދ. ގައި ހުނަނަވާ އިސްރާއީލުގެ ސަފީރަށެވެ. ދެންތިބި ލީޑަރުން އަދިވެސް ތިބީ ނިދާފަކަމަށް އެމީހުން ދެކެއެވެ.
މިލިއުމުގައި ހާމަކޮށްފައި މިވަނީ ދަ ޓެލިގްރާފުގެ ލިއުންތެރިންގެ ޝުއޫރެވެ. މީޑިއާއަކީ ޑިމޮކްރެސީގެ ގަދަ ބާރަކަށް ވީހިނދު ދުނިޔޭގެ ސިޔާސީ ލީޑަރުންގެ ވިސްނުން ތަޣައްޔަރު ކުރުމަށްޓަކައި އެ މަސައްކަތް ހުއްޓާނުލައި ކުރިއަށް ގެންދާނެކަން ގަބޫލުކުރެވެއެވެ.
One Response
ދޮންމީހުން ބުނާހާގޮތަކަށް ގައުމު ނުހިންގަންޏާ އެއީ ނުރައްކަލެއް. ބަލަ ތިއީ ކިތެއް ގައުމު ފަނާކޮށްފާ އަޅުވެތިކޮށްފާ ބައެއް؟ އެމެރިކާގެ މޮޅުވަހަކަ ދައްކަނީ އެއީ ދުނިޔެމެތީގައި ފުރަތަމަ ނިއުކްލިއަރ ބޭނުންކުރި ގައުމު. ފަނާ ކުރަނިވި ހުރިހާ ޢަމަލެއްގެ ބަފާ! އީރާނައި ދިމާ ކުރަނީ އިޒްރޭލަށްޓަކާ. އިޒްރޭލަކީ މެދުއިރުމަތީ އެމެރިކާގެ ނަހަލާލު ދަރި ޕްރޮކްސީ. ފިތުނަޔާ ބިރުދެއްކުމާއި ހުރިހާ ހާޖާނެއް ހިންގާނީ އިޒްރޭލު ލައްވާ! މިހާރު ގިނަމީހުނަށް ވާނުވާއެގެޔޭ!