އިބްރާނީ ބަހުން ހިޔާވެހިކަން ހޯދުމަށް އިންޒާރުދީ ލިޔެފައިވާ މެސެޖަކާއެކު އިސްރާއީލަށް ދަތުރުކުރެވޭ ހަތިޔާރު އެޅި ޑްރޯނެއް އީރާނުން ތައްޔާރުކޮށް ތައާރަފުކޮށްފިއެވެ.
އީރާނުން ތައްޔާރުކުރި މިޑްރޯންއަކީ 24،000 ފޫޓު މަތިން، ގަޑިއަކު 210 ކިލޯމީޓަރުގެ ބާރުމިނުގައި ނުވަތަ ގަޑިއަކު 130 މޭލުގެ ބާރު މިނުގައި ދަތުރުކުރެވޭ، 300 ކިލޯ ނުވަތަ 660 ޕައުންޑުގެ ބާރުގަދަ ގޮވާތަކެތިވެސް އުފުލޭނެ އުޅަނދެކެވެ. އޭގެ އިތުރުން، މި ޑްރޯނުގައި ސާވެއިލެންސްކުރުމަށް ބޭނުންކުރާ ސާމާނުވެސް ހުންނާނެކަމަށް ރިޕޯޓުކޮށްފައިވެއެވެ.
”މުޙާޖިރް-10“ ނަމަކަށް ކިޔާ މި ޑްރޯންގެ ތަސްވީރެއް ޝާއިއުކޮށްފައިވަނީ އިރާނުގެ ދައުލަތުގެ މީޑިއާ، އައިއާރްއެންއޭ އިންނެވެ.
”މިއަދު ވަރަށް ސާބިތުކަމާއެކު، މުޅި ދުނިޔެއަށް އިރާން ތައާރަފް މިކުރަނީ ޓެކްނޮލޮޖީގެ ގޮތުން ކުރިއަރާފައިވާ ގައުމެއްގެ ގޮތުގައި.“ އިރާނުގެ ރައީސް ގައުމީ ޓީވީގައި ވާހަކަދައްކަވަމުން ވިދާޅުވިއެވެ.
