ވެރިކަން ލިބިވަޑައިގެންފިނަމަ ސްމޯލް އެންޑް މީޑިއަމް އެންޓަޕްރައިޒަސް (އެސްއެމްއީ) ލޯނުތައް މާފުކޮށްދެއްވާނެ ކަމަށް ޖުމްހޫރީ ޕާޓީގެ ރިޔާސީ ކެންޑިޑޭޓް ޤާސިމް އިބްރާހިމް މިއަދު ވައުދުވެވަޑައިގެންފިއެވެ.
ރިޔާސީ ކެމްޕޭނަށް އއ.މަތިވެރިއަށް ވަޑައިގެން ދެއްކެވި ވާހަކަފުޅުގައި ޤާސިމް ވަނީ ކުދި އަދި މެދު ފަންތީގެ ވިޔަފާރިތަކަށް މާލީ އެހީތެރިކަން ފޯރުކޮށްދިނުމަށް ދޫކޮށްފައިވާ
އެސްއެމްއީ ލޯނު ސްކީމަށް ފާޑުވިދާޅުވެފައެވެ.
“އެސްއެމްއީ ލޯނޭ އަނެކައްޗެކޭ ކިޔައިގެން ދައުލަތުގެ ފައިސާ ބަޖެޓުގައި ޖަހައިގެން ނަގައިގެން ދީފައި, އެއް ބަޔަކު ލައްވާ އެގްރިމެންޓް ހައްދައި އަނެއް ބަޔަކު ލައްވާ ނުހަދާ. ބޭނުން ވަރަކަށް ބޭނުން މީހަކަށް ލާރި އަޅަމުންދަނީ.“
ޤާސިމް ވިދާޅުވީ އެެއީ ވޯޓުގެ ބޭނުމުގައި ހިންގާ ކަމެއް ކަމަށެވެ.
“ތިޔަ ބޭފުޅުން އަޅުގަނޑު ހޮއްވަވައިފިނަމަ ދައުލަތުން ދޫކޮށްފައިވާ ހުރިހާ އެސްއެމްއީ ލޯނެއް މާފުކޮށްދޭނަން ހަމަ ވަގުތުން“ ޤާސިމް ވައުދުވެވަޑައިގެންނެވިއެވެ.
“ވަރިހަމަ 2 ބިލިއަން 3 ބިލިއަން އޮތަސް, ހަމަ އެ ދުވަހުން ފެށިގެން މާފުކޮށްދޭނަން.“
ޤާސިމް ވަނީ އޭނާއަށް ވެރިކަން ލިބިވަޑައިގެންފިނަމަ ސްޓޫޑަންޓް ލޯނާއި ހިޔާ ފުލެޓްތަކުގެ ކުލި މައާފުކޮށްދެއްވާނެ ކަމަށް ވެސް މީގެކުރިން ވައުދުވެވަޑައިގެންފައެވެ.
One Response
ގާސިމު މިސަރުކާރުން ހޯދި ބަދަލުގެ 830 މިލިޔަނުން 500 މިލިޔަން ކެމްޕޭނަށް ތަޅާލިޔަސް އަދިވެސް 330 މިލިޔަން ޖީބުގައި އޮންނާނެތާއެވެ. ވީމާ ގާސިމަކަށް ގެއްލުމެއްނެތެވެ. ދެންއޮތީ ހިތުގެ ބައްޔެވެ. ނޮހޮވުމުން މާ ހާސްވެގެން ރޯނާވެގެން ނޫޅުއްުވުމަށް ދެންނެވީމެވެ. އޭރުން ހިތުގެ އެއްކަލަ މައްސަލަ ގީސްވެދާނެކަމަށް ބެލެވެއެވެ.