ރައީސް އޮފީހުގެ ހިއުމަން ރައިޓްސް އެމްބެސެޑަރު ކަން ކުރެއްވި އަހުމަދު އިބްރާހިމް ދީދީ (ސަންދާނު އަހަންމައިދީ) ނިޔާވެއްޖެއެވެ.
ސަންދާނު އަހަންމައިދީގެ އާއިލާއިން މައުލޫމާތު ދިން ގޮތުގައި އޭނާ ނިޔާވީ ރޭ ދަންވަރުގެ ވަގުތެއްގައެވެ. އޭނާ ނިޔާވިއިރު އުމުރަކީ 72 އަހަރެވެ.
އެނގިފައިވާ ގޮތުގައި ސަންދާނު އަހަންމައިދީ ނިޔާވީ ހާޓްއެޓޭކެއް ޖެހިގެންނެވެ.
ސަންދާނު އަހަންމައިދީގެ ކަށު ނަމާދު މިއަދު އަސުރު ނަމާދަށް ފަހު ހުޅުމާލޭ ސަރަހާ މިސްކިތުގައި އޮންނާނެއެވެ. އަދި މޫނު ދެއްކުން އަސުރު ނަމާދާ ހަމައަށް އެ މިސްކިތުގައި އޮންނާނެއެވެ.
ސަންދާނު އަހަންމައިދީއަކީ 1999 ވަނަ އަހަރު އުފެއްދި ސަންދާން ނޫހުގެ އެއް ހިއްސާދާރެވެ. ކުރީގެ ރައީސް މައުމޫންގެ ވެރިކަމުގައި އޭނާ ހައްޔަރުވެސް ކުރިއެވެ.
One Response
انا لله وانا اليه راجعون