މާލޭގައި ބަނގުރާ ކައްކައި އެތަކެތީގެ ވިޔަފާރިކުރަމުންދިޔަ އިިންޑިޔާގެ ތިން ފިރިހެނަކު ގިނަ އަދަދެއްގެ ބަނގުރަލާއެކު
ހައްޔަރުކޮށްފިއެވެ.
ހައްޔަރުކުރީ 26 އަހަރުގެ މީހަކާއި 22 އަހަރުގެ މީހަކާއި 48 އަހަރުގެ މީހެކެވެ.
ކްރިމިނަލް ކޯޓުން އިއްޔެ ވަނީ އެ ތިން މީހުންގެ ބަންދަށް 15 ދުވަސް ދީފައެވެ.
ކޯޓު އަމުރުގައި ބުނެފައިވަނީ އެ މީހުން ދިރިއުޅޭ ގޭގެ ގްރައުންޑް ފްލޯގެ ކޮޓަރިއަކުންނާއި ގްރައުންޑް ފްލޯގެ ގޯޅިގަނޑުގައި ހުންނަ އެޕާޓްމަންޓެއްގެ ކޮޓަރިއެއްގެ ތެރެއިން ގިނަ އަދަދެއްގެ ބަނގުރާ ފެނިފައިވާ ކަމަށެވެ.
އެގޮތުން 500 އެމްއެލްގެ 273 ފުޅިއާއި 5 ލީޓަރުގެ 4 ފުޅިއާއި
ޖޭމްސަން ބްރޭންޑްގެ 3 ފުޅި ފެނިފައިވާއިރު, ބަނގުރާ ކެއްކުމަށް އެ ތަނުގައި ސެޓަޕް ހަދާފައިވާ ކަމަށާއި ބަނގުރާ ކެއްކުމަށް އެއްޗެހި އަޅައި ތައްޔާރު ކޮށްފައިވާ 36 ޓައްޕު ފެނިފައިވާ ކަމަށް އަމުރުގައި ވަނީ ބުނެފައެވެ. އެ ތަކެތި ފެނުނު ތަނުގެ ތަޅުދަނޑި ވެސް އެ މީހުން އަތުން ފެނިފައިވާ ކަމަށް ވެސް އަމުރުގައި ވަނީ ބުނެފައެވެ.
One Response
Raacikka meehunge photo jahaa bala