ރައްޔިތުންގެ މަޖިލީހުގެ މަތިވެރި ދާއިރާގެ މެންބަރު ޙަސަން ޒަރީރަށް ހަމަލާދިން މައްސަލައިގައި ހައްޔަރުކުރި ތިން މީހުން ކޯޓު އަމުރެއްގެ ދަށުން ދޫކޮށްލުމަށްފަހު އޭގެތެރެއިން ދެ މީހަކު އަނެއްކާވެސް ހައްޔަރުކޮށްފިއެވެ.
މި މައްސަލާގައި މއ.ނައިޓްވިލާ އިބްރާހީމް ޢަބްދުﷲ (ގައްބަރޭ) އާއި އިތުރު ދެ މީހަކު ހައްޔަރުކޮށްފައިވަނިކޮށް ކްރިމިނަލް ކޯޓުން އެ ތިން މީހުން ވެސް ޝަރުތުތަކަކާއެކު ދޫކޮށްލީއެވެ.
ދައުލަތުން އެ ނިންމުން ހައިކޯޓުގައި އިސްތިއުނާފުކުރުމުން އެ މައްސަލަ ބެލުމަށްފަހު އެ ކޯޓުން ކުރި ހުކުމުގައި ބުނީ
އެ ތިން މީހުން ބަންދުން ދޫކޮށްލީ ގާނޫނާ ޚިލާފަށް ކަމަށެވެ. އަދި އެ މީހުން ބަންދުކުރަން ފަސް ދުވަސްތެރޭގައި ހުށަހަޅައިފިނަމަ ބަންދާމެދު ގޮތެއް ނިންމަން އަމުރު ކުރާ ކަމަށެވެ.
މި މައްސަލާގައި ގައްބަރޭއާއި އިތުރު އެކަކު އަލުން ހައްޔަރުކޮށް
ތަހުގީގު މަރުހަލާއާއި ޝަރީއަތުގެ މަރުހަލާ ނިމެންދެން ވަނީ ބަންދުކޮށްފައެވެ.
ޒަރީރަށް ހަމަލާދިނީ މިދިޔަ މެއި މަހުގެ 01 ވަނަ ދުވަހު ފަތިހުގެ ވަގުތެއްގައި ހަބީބީ ކެފޭ އެންޑް ބިސްޓްރޯތެރޭގައި އިންނަވަނިކޮށެވެ.
