ރިޔާސީ އިންތިޚާބުގައި ވޯޓުލާ މީހުންގެ ރަޖިސްޓަރީ އިލެކްޝަންސް ކޮމިޝަނުން މިއަދު އާންމުކޮށްފިއެވެ.

ރިޔާސީ އިންތިޚާބުގައި ވޯޓުލާމީހުން ރަޖިސްޓަރީ ވެފައިވާ ފޮށީގެ މައުލޫމާތު ހިމެނޭ ރަޖިސްޓަރީ އާންމުކޮށް އީސީން ވަނީ ޝަކުވާ ހުށަހެޅުމުގެ ފުރުސަތު ވެސް ހުޅުވައިލާފައެވެ.

އެގޮތުން ޝަކުވާއެއް އޮތްނަމަ ބުދަ ދުވަހުގެ 15:00 އަށް އީސީ އަށް ޝަކުވާ ހުށަހެޅުމަށް ވަނީ އެދިފައެވެ.

ރަޖިސްޓަރީ އީސީގެ ވެބްސައިޓް elections.gov.mv‎ އިން ފެންނާނެއެވެ. ނުވަތަ VR space ID number ޖެހުމަށްފަހު 1414 އަށް އެސްއެމްއެސް ކޮށްގެން ވެސް ޗެކްކުރެވޭނެ އެވެ. އޭގެއިތުރުން 1414 އަށް ގުޅައިގެން ވެސް މައުލޫމާތު އޮޅުންފިލުވޭނެއެވެ.

ޝަކުވާ ހުށަހަޅަންޖެހޭނީ ރަޖިސްޓަރީއަށް ޝަކުވާ ހުށަހަޅާ ފޯމު މެދުވެރިކޮށެވެ. އެ ފޯމު އީސީގެ ވެބްސައިޓުން ނުވަތަ ކައުންސިލްތަކުގެ އިދާރާތަކުން ލިބޭނެއެވެ.