ޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުޢިއްޒު ޝަހީދު ޙުސައިން އާދަމްގެ ބައްޕައާއި މަންމަގެ ގެއަށް ޒިޔާރަތް ކުރައްވައިފިއެވެ.

ޑރ.މުޢިއްޒު ޝަހީދު ޙުސައިން އާދަމްގެ ބައްޕައާއި މަންމަގެ ގެއަށް ޒިޔާރަތް ކުރެއްވީ މިހާރު ބޮޑުތިލަދުންމައްޗަށް ކުރައްވާ ދަތުރުފުޅުގެެ ތެރެއިންނެވެ.

އެގޮތުން ހދ.ކުޅުދުއްފުށީ މާވާގެއަށް ޒިޔާރަތް ކުރައްވައި ޑރ.މުޢިއްޒު ވަނީ ޝަހީދު ޙުސައިން އާދަމްގެ ބައްޕަ އާދަމް މުޙައްމަދާއި މަންމަ ޢާއިޝަތު ޙަސަނާ ބައްދަލު ކުރައްވައި ހާލުއަހުވާލު އޮޅުންފިލުއްވައިފައެވެ.

ރިޔާސީ ކެންޑިޑޭޓްގެ ހައިސިއްޔަތުން މުޢިއްޒު ކުރައްވާ ފުރަތަމަ ދަތުރުފުޅުގައި ކުޅުދުށްފުށީގެ އިތުރުން އިއްޔެ ވަނީ ހަނިމާދުއާއި ނޮޅިވަރަމަށް ވަޑައިގެންފައެވެ. އަދި މިއަދު މަކުނުދުއަށް ވަޑައިގެންފައިވާއިރު ހޯރަފުށްޓާއި އިހަވަންދުއަށް ވެސް ވަޑައިގަންނަވާނެއެވެ. މާދަމާ ވަޑައިގަންނަވާނީ އުތީމާއި ވަށަފަރާއި ކެލާއާއި ބާރަށާއި ދިއްދުއަށެވެ.