ފަލަސްތީނުގެ ބިމުގައި އާބާދުވެ ދިރިއުޅެމުން އަންނަ އިސްރާއީލުގެ ޔަހޫދީ ގުރޫޕަކުން ފަލަސްތީނުގެ މީހަކު މަރާލި ހަމަލާއަކީ ޓެރަރިޒަމް ހަމަލާއެއްކަމަށްބުނެ އެކަން ހަރުކަށި އިބާރާތުން ކުށްވެރިކޮށްފިއެވެ. ހަރުކަށި ކަނާއަތުގެ ފިކުރަށް ތާއީދުކޮށް ވެރިކަންކުރާ އިސްރާއީލުގެ ވެރީން އެމީހުން ދިރިއުޅެމުން އަންނަ ފަލަސްތީނުގެ ހުޅަނގުގެ ސަރަހައްދު ހަލަބޮލިކުރަމުންދާ ދިޔުމާއި މެދު އެމެރިކާގެ ނުރުހުންތެރިކަން ވަރަށް ބޮޑަށް އެނގި ހާމަވެގެން ހިނގައްޖެއެވެ.

ބުރްކާ އަވަށޫގައި ހިނގައިދިޔަ ހަމަނުޖެހުމުގައި އިސްރާއީލުގެ ފުލުހުން ދެމީހަކު ހައްޔަރުކޮށްފައި ވެއެވެ. ފަލަސްތީނުގެ ބައެއް ރައްޔިތުންނާއި ހަވާލާދީ ރިޕޯޓުތައް ބުނާ ގޮތުގައި، އެ ދެމީހުންނަކީ އާންމުންނާއި ދިމާލަށް ގައު އުކައި، ދުއްވާތަކެތީގައި އަލިފާން ރޯކޮށް، އަދި އަވަށުގެ ރައްޔިތުންނާއި އެކުގައި ހިނގައިދިޔަ ކުރިމަތިލުމުގައި 19 އަހަރުގެ ފަލަސްތީނު ރައްޔިތަކު މަރާލި ގުރޫޕަކަށް ނިސްބަތްވާ ބައެކެވެ.

”އާންމުންގެ ތެރޭގައި ބިރުވެރިކަން އުފެއްދުމަށް އިއްޔެ އިސްރާއީލުގެ ހަރުކަށި ފިކުރުގެ ސެޓްލަރުން ދިން ހަމަލާ ވަރަށް ބޮޑަށް ކުއްވެރިކުރަން.“ އެމެރިކާގެ ސްޓޭޓް ޑިޕާޓްމަންޓުން ހޮނިހިރުދުވަހު ނެރުނު ބަޔާނެއްގައި ލިޔެފައިވެއެވެ. އަދި އިސްރާއީލުން ”އެކަމުގެ ޒިންމާ ފުރިހަމައަށް ނަގަންޖެހޭކަމަށާއި އިންސާފު ގާއިމުކޮށްދޭން ޖެހޭނެކަމަށް“ ވެސް އެމެރިކާއިން ވަނީ ބުނެފައެވެ.