ޕީއެންސީގެ ރިޔާސީ ކެނޑިޑޭޓް ކަމަށް މާލޭގެ މޭޔަރު ޑރ.މުޙައްމަދު މުޢިއްޒު އިންތިޚާބުކޮށްފިއެވެ.
ޕީއެންސީގެ ރިޔާސީ ޓިކެޓަށް ކުރިމަތިލުމަށް މިއަދު ހެނދުނު ހުޅުވައިލި ފުރުސަތު ހަމަވީ މެންދުރު 14:00 އަށެވެ.
އެ މުއްދަތު ހަމަވިއިރު ކުރިމަތިލެއްވީ ޕީއެންސީގެ ނައިބު ރައީސް އާދަމް ޝަރީފާއި މާލޭގެ މޭޔަރު ޑރ.މުޙައްމަދު މުޢިއްޒެވެ.
ރިޔާސީ ކެންޑިޑޭޓް ކަނޑައެޅުމަށް މީގެ ކުޑައިރުކޮޅެއް ކުރިން ޕީއެންސީގެ މަޝްވަރާ މަޖިލީހުގެ 48 މެންބަރުންގެ މެދުގައި ވަނީ ސިއްރު ވޯޓެއް ނަގައިފައެވެ.
އެގޮތުން 25 ވޯޓާއެކު ރިޔާސީ ޓިކެޓް ކަށަވަރު ކުރެއްވީ މުޢިއްޒެވެ. އާދަމް ޝަރީފަށް ލިބިވަޑައިގަތީ 23 ވޯޓެވެ.
