ރަމަޟާން މަހުގައި އަހަރެންގެ އާއިލާއަށް ދިމާވި ކަމެއްގެ ވާހަކަ އެހެން މީހުންނަށް އިންޒާރެއްގެ ގޮތުގައި ހިއްސާކޮށްލަން ބޭނުމެވެ.

އަހަރެމެން ދިރިއުޅުނީ ނެދަރލެންޑްސްގައެވެ. އެއީ އާންމުގޮތެއްގައިވެސް ފިރިހެނުން ދެކެ ފިރިހެނުން ލޯބިވުމާއި، އަންހެނުންދެކެ އަންހެނުން ލޯބިވުމަކީ އެންމެ ރަނގަޅުކަމެއްގެ ގޮތުގައި ސްކޫލްތަކުގައިވެސް ކުޑަކުދިންނަށް ދަސްކޮށްދޭ ތަނެކެވެ. އަދި މިހާރު މިކަންކަން ގަދަވެ، އެލްޖީބީޓީކިއު ދިދައެއް ނުފެންނަ ސަރަހައްދެއް މަދުވާނެއެވެ. އަހަރެމެން ދިރިއުޅެމުން އައީ ކުޑަ އަވަށެއްގައެވެ. އަދި ކުދިން ސްކޫލަށް ވެއްދުމަށްފަހުވެސް، ނެދަރލެންޑްސްއަކީ މުސްލިމުން ގަބޫލުކުރާ ގަބޫލުކުރުންތަކަށް ރިއާޔަތްކުރާ ބައެއްކަމަށް ނުވުމުންނާއި، އިސްލާމްދީނަށް އުޅޭ އާއިލާއެއްކަމުން ތަފާތުކުރުމާއި ފުރައްސާރައިގެ އަމަލުތައް ރައްދުވަމުންދެއެވެ. އެހެންކަމުން، އަހަރެމެން އައީ ހިޖުރަކުރުމަށް ވިސްނައި ތައްޔާރުވަމުންނެވެ.

ފިރިހެންކުދިން ފިރިހެން ކުދިންދެކެ ލޯބިވުމަކީ ހަމަ އެންމެ ރަނގަޅުކަމެއްކަމަށް އަހަރެންގެ ދޮށީ ދަރިފުޅަށް 12 އަހަރުގައި އޭނާއަށް ކިޔަވައިދޭ ޓީޗަރަކު އޭނާއަށް ކިޔައިދިނެވެ. ދަރިފުޅު އެކަމުގެ ކަންކަން ބަލައި އަމިއްލައަށް ވެސް އެކަން ތަހުގީގުކުރުމުގެ ނަތީޖާއަކަށްވީ އެހެން ފިރިހެންކުދިންނަށްޓަކައި އޭނާގެ ހިތުގައި ޖަޒުބާތުތަކެއް އުފެދުމެވެ. އަހަރެމެންގެ ކުޑަކުޑަ އަވަށުގައި މި ޚަބަރު ފެތުރި، ދަރިފުޅަށް ބަޔަކު ލައިދިން ނަސޭހަތުގައި ޖެހި ރަމަޟާންމަހު އޭނާވަނީ ގެއިން ފިލައިގެން ގޮސް އެމީހުން ދެއްކި ”ސޭފްހައުސް“ އެއްގައި މަޑުކޮށްފައެވެ. ފުލުހުންނަށް ބަޔަކު މިކަން އެންގުމުން އަހަރެންގެ އާއިލާއިން އެތައް މުއައްސަސާއެއްގެ ސުވާލުތަކާއި ފިޔަވަޅުތަކެއް ކުރުމަތިކުރުވާފައިވާއިރު، މިކަންކަން ހިނގައިދިޔައީ އަހަރެން ބަލިވެއިންދައެވެ. މިކަމުގައި ކުރިމަތިލާންޖެހުނު ބުރަ ކަންކަމާއި، ހާސްކަމުގެ ސަބަބުން އަހަރެން ބައިގެންދިޔައީއެވެ. (ٱلْحَمْدُ لِلَّٰهِ، ދެއްވަނީވެސް، އަނބުރާ ގެންދަވަނީވެސް ﷲއެވެ.)

އޭނާގެ ފަހަތުގައި ތިބީ އޭނާއަށް ހެޔޮ އެދޭ ރަނގަޅު ބައެއްކަމަށް އަހަރެންގެ ދަރިފުޅަށް ގަބޫލުކުރެވުނު ނަމަވެސް އެއީ އޭނާއަށް ހުރި ބޮޑު ނުރައްކަލެއްކަމެއް އޭނާއަކަށް ނޭނގެއެވެ. އެފަދަ އިހްސާސްތަކާއެކު މުސްލިމް އާއިލާއެއްގައި އޭނާއަށް ނޫޅެވޭނެކަމަށް އެމީހުން އޭނާއަށް ދަސްކޮށްދިނުމުން އޭނާ ގެއަށް އަންނާކަށް ބޭނުމެއް ނުވިއެވެ. އަހަރެންގެ ދަރިފުޅަކީ އަހަރެންނާ ވަރަށް ގާތުން ބޮޑުވި ކުއްޖެއްކަމުން އެފަދަ ބަދަލުތަކެއް އޭނާގެ ފަރާތުން ފެނުމަކީ ބިރުވެރި ހުވަފެނެއް ފެނުން ފަދަ ކަމެކެވެ.

ނަންނުޖަހައި ގްރޫޕެއްގައި ލިޔުނު މެސެޖެއްގައި ހިޖުރަކުރަން އެދޭ ވާހަކައާއި، ނެދަރލެންޑްސްއިން ދިޔުމަށް އެދޭ ވާހަކަ ހިއްސާކުރުމާއެކު، ކޮންމެވެސް ބަޔަކު އެކަން ފުލުހުންނަށް އަންގައި ދަރިފުޅު ފިލަން ދިޔަ ސޭފްހައުސްއަށް ވެސް އެކަން އެންގިއެވެ. މީގެ ސަބަބުން ކޯޓުން އެމަރޖެންސީ ކަސްޓޯޑިއަލް އަމިރަކާއި ސުޕަރވިޒަން އަމުރެއް ނެރުނެވެ. އަދި ޢީދުދުވަހު އަހަރެންގެ 14 އަހަރުގެ ފިރިހެން ދަރިފުޅު ގޮވައިގެން އޮފީހަށް އައުމަށް އެންގުމުން އަހަރެން ދިޔައިމެވެ. ނަމަވެސް ދަރިފުޅު އެމީހުންގެ ބެލުމުގެ ދަށަށް ނަގައި އަދިވެސް އަނބުރާ ގެއަށް ގެނެވޭ ގޮތްވަނީ ނުވެފައެވެ. މިއަށްފަހު އަހަރެމެންގެ އާއިލާގެ އެހެން މީހުން ތަހުގީގުކުރަން ފެށުމާއެކު އަހަރެންގެ ހަޔާތުގައި ނަގަންޖެހުނު އެންމެ ހިތްދަތި ފިޔަވަޅު ނެގީއެވެ.

އަތުގައި ހުރި މަދު ފައިސާކޮޅާއެކު އަހަރެމެން ފިލައިގެން އައީ މޮރޮކޯއަށެވެ. ދެން ތިބި ކުދީންގެ ރައްކަލަކަށެވެ. އެކަމަކު އަހަރެންގެ ދޮށީ ދަރިފުޅު އަދިވެސް ހުރީ ނެދަރލެންޑްސްގައި ސަރުކާރުގެ ބެލުމުގެ ދަށުގައެވެ. އަހަރެން އޭނާ މަތިން ވަރަށް ހަނދާންވެއެވެ.

އަހަރެންގެ މި އިންޒާރުން ސާފުކޮށްދޭން ބޭނުންވާ އެއްޗަކީ ތިބާގެ ކުދީންނަށް ސްކޫލުގައި އުނގަންނައިދެނީ ކޮންއެއްޗެއްތޯ ބަލައި ސަމާލުވާށެވެ. އަދި ރަނގަޅު މުސްލިމް ގައުމަކަށް ހިޖުރަކުރުމުގެ ނަސީބު އޮތްނަމަ އެކަން ކުރާށެވެ. ވަކިން ހާއްސަކޮށް ދަރިން ތިބިނަމައެވެ. އަހަރެމެން ކުރި ދިރާސާއިން އެނގުނީ ގިނަ މުސްލިމް ގައުމުތަކުގައި މުސްލިމް އާއިލާތަކުން މިގޮތަށް ހިޖުރަކޮށް ދިރިއުޅުމުގެ މިފުރުސަތު ތަނަވަސްކޮށްދީފައި ނޯންނަކަމެވެ.

ނެދަރލެންޑްސްގެ ޗައިލްޑް ޕްރޮޓެކްޝަން ކައުންސިލުން އަދިވެސް އަހަރެންގެ އާއިލާއަށް ގަވާއިދުން މެސެޖުކޮށް އަހަރެމެންގެ ކަންކަމަށް ނުފޫޒު ފޯރުވުމަށް މަސައްކަތްކުރެއެވެ. އެހެންނަމަވެސް، އެންމެ މުހިންމުކަމަކީ އަހަރެންނާއި އަހަރެންގެ ހަތަރު ދަރީން މިވަގުތު ތިބީ އަމިއްލަ ތަނެއްގައި ސަލާމަތްކަން ހޯދައިގެންކަމެވެ.