ރެކޯޑް މިންވަރަކަށް ހޫނުގަދަވެ ފެންލިބުން ދަތިވުމާއެކު، މެކްސިކޯގެ ސަރުކާރުން ކުރިއަށްގެންދާ ވާރޭ ވިލާ އިތުރުކުރުމުގެ މަޝްރޫއުގެ ފަހު ފިޔަވަހީގެ މަސައްކަތް ކުރިއަށް ޖައްސާލައިފިއެވެ.

ޖުލައިމަހުގައި މަސައްކަތް ފެށި މި މަޝްރޫޢުގެ ތެރެއިން، ވިލާތަކުގެ ތެރެއަށް މަތިންދުއްވާ ބޯޓުތަށް ފޮނުވައި، ސޯޑިއަމް އަޔޮޑައިޑްގެ މާއްދާތައް އެ ވިލާތަކުގެ ތެރެއަށް ފޮނުވާލައެވެ. ދިރާސާވެރިންގެ އިލްމީ ހަމައިން ދެކޭގޮތުގައި މިގޮތަށް ސޯޑިއަމް އަޔޮޑައިޑް ޖައްވުތެރެއަށް ފޮނުވުމުން ފެން ތިކިތައް އެވިލާތަކުގައި އިތުރުވެ، ވާރޭ ނުވަތަ ފިނި ފައިބާ މިންވަރު އިތުރު ކޮށްދޭނެއެވެ.

ހޫނުގަދަވުމާއި ގުޅިގެން މެކްސިކޯގެ ނުއޭވޯ ލިއޯނުގެ 36 މީހަކު މިހާތަނަށް މަރުވެފައިވެއެވެ.

މިގޮތުން، މެކްސިކޯގެ އެގްރިކަލްޗަރ މިނިސްޓްރީއިން ބުނެފައިވާގޮތުގައި، އެގައުމުގެ ”ކްލައުޑް ސީޑިންގް“ މަޝްރޫޢުގެ ސަބަބުން ރަށްފުށުގެ ސަރަހައްދުތަކަށް ހޫނުގަނޑުގެ ސަބަބުން ދިމާވެފައިވާ ދަތިތަށް ހައްލުކުރުމަށްޓަކައި ކޯރުތަކާއި އާރުތަކުގައި ފެން އާލާވެގެންދާނެއެވެ. އެ މިނިސްޓްރީން 2020 ވަނަ އަހަރުން ފެށިގެން ކޮންމެ އަހަރަކު އެއްފަހަރު މި މަޝްރޫޢު އަންނަނީ ހިންގަމުންނެވެ.