އެމެރިކާގެ ޓެކް ކުންފުންޏެއްކަމަށްވާ މައިކްރޮސޮފްޓުން އެކުންފުނީގައި މަސައްކަތްކުރާ ގިނަ އަދަދެއްގެ މުވައްޒަފުން މިއަހަރު ވަޒީފާއިން ވަކިކުރުމަށް ނިންމާފައިވާއިރު، މައިކްރޮސޮފްޓްގެ އޮސްޓްރޭލިއާގައި ހުންނަ އޮފީސްތަކުގައި މަސައްކަތްކުރާ މުވައްޒަފުންގެ 200 އެއްހައި މުވައްޒަފުން މިއަހަރު ވަޒީފާއިން ވަނީ ވަކިކޮށްފައެވެ.
ޚާއްސަ މަސްދަރަކާ ހަވާލާދީ އޮސްޓްރޭލިއަން ފައިނޭޝަލް ރިވިއުގައި ލިޔެފައިވަނީ އެންމެ ފަހު ވަކިކުރި ބުރުގައިވެސް 50 އެއްހައި މުވައްޒަފުންގެ ވަޒީފާ ގެއްލިފައިވާ ކަމަށެވެ. އެހެންނަމަވެސް، މައިކްރޮސޮފްޓުން މިކަމާ ގުޅިގެން ވަކި އެއްޗެއް ބުނުމަށް ދެކޮޅު ހަދާފައިވުމުން މި އަދަދު ކަށަވަރު ކުރެވިފައެއް ނުވެއެވެ.
އެންމެ ފަހުން މުވައްޒަފުން ވަކިކޮށްފައިވަނީ ނިމިދިޔަ ހަފުތާގެ ތެރޭގައެވެ. އަދި އޮސްޓްރޭލިއާ މިވައްޒަފުން ވަޒީފާއިން ވަކިކުރުމަކީ މައިކްރޮސޮފްޓުން ރާވައިގެން ކުރިއަށްގެންދާ ވަޒީފާތައް މަދުކުރުމުގެ މަސައްކަތުގެ ތެރެއިން ހިނގާކަމެއްކަމަށް ލަފާކުރެވެއެވެ.
އެމެރިކާގެ ޚަބަރުތަކުން ރިޕޯޓުކޮށްފައިވާގޮތުގައި މިގޮތަށް މައިކްރޮސޮފްޓުން 1000 މީހުން މިއަހަރު ވަޒީފާއިން ވަކިކުރާނެއެވެ.
