މިއަހަރު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އާއެކު މަސައްކަތް ނުކުރުމަށް މޯލްޑިވްސް ރިފޯމް މޫވްމެންޓް (އެމްއާރްއެމް) އިން ނިންމައިފިއެވެ.
އެމްއާރްއެމްއިން މިހެން ބުނީ ސެޕްޓެމްބަރުގައި އޮންނަ ރިޔާސީ އިންތިޚާބުގައި އެމްޑީޕީއާއެކު ކޯލިޝަން ހެދުމަށް އެ ޕާޓީގެ ރިޔާސީ ކެންޑިޑޭޓް ރައީސް އިބްރާހީމް މުޙައްމަދު ޞާލިޙް އެމްއާރްއެމްއަށް ދެއްވި ދައުވަތާ ގުޅިގެން މިއަދު ނެރުނު ބަޔާނެއްގައެވެ.
ެއެމްއާރްއެމްއިން ބުނީ ރައީސް ޞާލިޙް ދެއްވި ދައުވަތާ ގުޅިގެން
ެމަޝްވަރާ ކުރުމަށް އެމްޑީޕީގެ އިސްވެރިންނާއެކު ބައްދަލުވުމެއް ބޭއްވިފައިވާ ކަމަށާއި މީގެއިތުރުން ނުރަސްމީކޮށް އަދި ލިޔެކިޔުމުގެ ޒަރީއާއިން ވެސް މަޝްވަރާކުރެވިފައިވާ ކަމަށެވެ.
“އެމްޑީޕީގެ އިސްވެރިންނާއެކު 1 މެއި 2023 ވަނަ ދުވަހުގެރޭ އެމްއާރްއެމް އޮފީހުގައި ބޭއްވުނު ބައްދަލުވުމަށްފަހު އެމްޑީޕީގެ ހުށަހެޅުންތައް މި ޕާޓީގެ އެކްސްކޯ އަށް ހުށަހަޅައި މަޝްވަރާކުރުމަށްފަހު އެމްޑީޕީއިން ހުށަހަޅާފައިވާ ބައެއް ސިޔާސަތުތަކަށް އެމްއާރްއެމް އަށް އެއްބަސް ނުވެވޭތީ މި ޕާޓީގެ އެގްޒެކެޓިވް ކޮމިޓީގެ މި އަހަރުގެ 10 ވަނަ ބައްދަލުވުމުގައި ނިންމާފައިވަނީ ކުރިއަށް އޮތް ރިޔާސީ އިންތިޚާބުގެ ފުރަތަމަބުރުގައި އެމްޑީޕީއާއެކު މަސައްކަތް ކުރަން ނުފެންނަ ކަމަށެވެ.“ ބަޔާނުގައި ބުނެފައިވެއެވެ.
އާރްއެމްއިން ވަނީ ރިޔާސީ އިންތިޚާބުގައި ވާދަކުރަން ނިންމައި ޕްރައިމަރީގައި ބައިވެރިވުމުގެ ފުރުސަތު ހުޅުވާލައިފައެވެ. ކުރިމަތިލުމުގެ މުއްދަތު މިއަދު 16:00 އަށް ހަމަވާނެއެވެ.
ޕްރައިމަރީ ބާއްވަން ނިންމާފައިވަނީ އޮގަސްޓު 1 ގައެވެ. ކުރިއަށްދާނީ އޮންލައިންގ ވޯޓިންގ އެކެވެ.
