ޗައިނާގެ ޚާރިޖީ ވަޒީރުގެ މަގާމުން މިނިސްޓަރު ޗިން ގަންގް އަންގާރަ ދުވަހު ވަކިކުރުމަށްފަހު އެމަގާމު ކުރިން އަދާކުރެއްވި ވޭންގް ޔީ އައްޔަނުކޮށްފިއެވެ.
ޗައިނާގެ ގައުމީ ޓީވީއިން ބުނެފައިވާ ގޮތުގައި ޗިން މަގާމުން ވަކިކޮށްފައިވަނީ އޭނާގެ މަގާމުގެ މަސްއޫލިއްޔަތު އަދާކުރުމަށް އެއްމަސްދުވަހު މެދުނުކެނޑި އުޒުރުވެރިވުމުންނެވެ.
އުމުރުން 57 އަހަރުގެ ޗިން، ޚާރިޖީ ވުޒާރާއާއި ހަވާލުވެފައިވަނީ މިދިޔަ އަހަރުގެ ޑިސެމްބަރު މަހުގައެވެ. އޭގެ ކުރިން އޭނާ ހުންނެވީ އެމެރިކާއަށް ކަނޑައަޅާފައި ހުންނަ ސަފީރެއްގެ މަގާމުގައެވެ.
އެހެންނަމަވެސް، ނިމިދިޔަ ޖޫން މަހުގެ 25 ވަނަ ދުވަހުގެ ފަހުން އާންމުންނަށް ފެނިފައެއް ނުވެއެވެ.
