ހީޓް ވޭވަކާއެކު ޔޫރަޕުގެ ހޫނުމިން ރިކޯޑު އަދަދަކަށް މައްޗަށްދާނެކަމަށް ލަފާކޮށްފައިވާތީ ރޯމާއި ފްލޯރެންސް ހިމެނޭގޮތަށް އިޓަލީގެ 16 ސިޓީއަކަށް ސިއްހީ ނުރައްކަލުގެ އިންޒާރުދީ އިޓަލީގެ ސަރުކާރުން ސިއްހީ ޚާއްސަ ސަމާލެއް ނެރެފިއެވެ.

ޔޫރަޕިއަން ސްޕޭސް އޭޖެންސީ (އީއެސްއޭ) ގެ ތިމާވެއްޓާބެހޭ އިލްމުވެރިންނާއި ހަވާލާދީ އެނގިފައިވާ ގޮތުގައި ސިސިލީއާއި ސާޑީނިއާގެ ރަށްތަކުގައި 48 ޑިގްރީ ސެލްސިއަސް ނުވަތަ 118.4 ޑިގްރީ ފެރެންހައިޓަށް ހޫނުމިން މައްޗަށްދާނެއެވެ. މިއީ ޔޫރަޕުގެ ތާރީޚުގައި ވެސް ރިކޯޑުކުރެވޭނެ އެންމެ ހޫނުގަދަ ދުވަސްތައް ކަމަށް ސައިންސްވެރިން ގަބޫލުކުރެއެވެ.

އަދި ރޯމްގެ ހޫނުމިން 44 ޑިގްރީ ސެލްސިއަސް ނުވަތަ 111 ޑިގްރީ ފެރެންހައިޓް އަށް އަރާނެކަމަށް ލަފާކޮށްފައިވެއެވެ.