އިނގިރޭސިވިލާތަކީ ކްލަސްޓަރ މިއުނިޝަންތައް ބޭނުންކުރުމަށް ދެކޮޅުހަދާ މުއާހަދާއެއްގައި ބައިވެރިވެފައިވާ ގައުމެއްކަމަށް އެ ގައުމުގެ ބޮޑުވަޒީރު ރިޝީ ސުނަކް ވިދާޅުވެއްޖެއެވެ.
ހޮނިހިރު ދުވަހު ސުނަކް މިހެން ވިދާޅުވީ ޔޫކްރޭނަށް ބާރުގަދަ އަސްކަރީ ހަތިޔާރުތަކެއް ފޮނުވަން ތައްޔާރުވެފައިވާކަމަށް އެމެރިކާގެ ވޮޝިންގްޓަނުން ހާމަކޮށްފައިވަނިކޮށެވެ.
ކުރިމަތިލުންތަކާއި ހަމަނުޖެހުންތައް ނިމުމަށްފަހު ބޭނުންނުކޮށް ހުންނަ ގޮވާ ޒާތުގެ ހަތިޔާރުތަކުން ނުކުމެދާނެ ނުރައްކާތައް ފާހަގަކޮށް އެމެރިކާގެ މި ނިންމުމާމެދު, ހައްގުތަކަށް މަސައްކަތްކުރާ ޖަމިއްޔާ ޖަމާއަތްތަކުން ވަނީ ކަންބޮޑުވުން ފާޅުކޮށްފައެވެ.
”އިނގިރޭސިވިލާތަކީ ކްލަސްޓަރ މިއުނިޝަން އުފެއްދުމާއި، ބޭނުންކުރުން މަނާކުރާ، އަދި އެ ބޭނުންނުކުރުމަށް ބާރުއަޅާ މުއާހަދާއެއްގައި ސޮއިކޮށްފައިވާ ގައުމެއް.“ ސުނަކް ވިދާޅުވެފައިވެއެވެ.
