ޖުޑީޝަލް ސަރވިސް ކޮމިޝަން (ޖޭއެސްސީ) އެކުލެވިގެންވާ ގޮތް އިސްލާހު ކުރުމަށްޓަކައި ރައްޔިތުންގެ މަޖިލީހަށް ފޮނުވި ބިލުގައި ޖުޑިޝަރީ މިނިވަން ކުރުމުގެ ނިޔަތެއް ނެތް ކަމަށް ކުރީގެ ނައިބު ރައީސް ޑރ.މުޙައްމަދު ޖަމީލް މިއަދު ވިދާޅުވެއްޖެއެވެ.
ޖޭއެސްސީ އެކުލެވިގެންވާ ގޮތް އިސްލާހު ކުރުމަށްޓަކައި ގާނޫނުއަސާސީއަށާއި ގާނޫނަށް ގެންނަންޖެހޭ އިސްލާހުތައް އެކުލެވޭ ދެ ބިލު އެޓާނީ ޖެނެރަލްގެ އޮފީހުން އިއްޔެ ރައްޔިތުންގެ މަޖިލީހަށް ފޮނުވާފައިވާކަން އެޓާނީ ޖެނެރަލް އިބްރާހިމް ރިފްޢަތު ކުރެއްވި ޓުވީޓެއްގައި ވަނީ ހާމަކުރައްވައިފައެވެ.
ރިފްޢަތު ވިދާޅުވި ގޮތުގައި ބިލުގައި ހިމަނާފައިވާ މައިގަނޑު އިސްލާހުތަކުގެ ތެރޭގައި ހިމެނެނީ ޖޭއެސްސީގެ މެންބަރުންގެ އަދަދަކީ 7 ކަމުގައި ކަނޑައެޅުމާއި ރައީސުލްޖުމްހޫރިއްޔާގެ މެންބަރާއި ރައްޔިތުންގެ މަޖިލީހުގެ ރައީސާއި ސިވިލް ސަރވިސް ކޮމިޝަންގެ ރައީސާއި ޖޭއެސްސީގެ މެންބަރުންގެ ގޮތުގައި ނުހިމެނުމެވެ.
ޖަމީލް ކުރެއްވި ޓުވީޓެއްގައި ވިދާޅުވީ ސަރުކާރުން އުޅެނީ އޮޅުވައިލަން ކަމަށާއި ފޮނުވި ބިލުން ޖުޑިޝަރީ މިނިވަން ކުރުމުގެ ނިޔަތެއް ނެތް ކަމަށެވެ.
ޖަމީލް ވިދާޅުވީ ކެބިނެޓްގައި ހުންނަވާ އޭޖީއާއި މަޖްލިސްގެ މެމްބަރު ތިބޭ ތަނެއް މިނިވަނެއް ނުވާނެ ކަމަށެވެ.
“ތިމާމެންނަށް ހެޔޮވަރަށް ސޫޓް ފަހަން އުޅެނީ އަބަދު މަގާމުގައި ތިބޭނެކަމަށް ދެކިގެންބާ؟ ނަމަކަށް ކަމެއް ކޮށްލީ!“ ޖަމީލު ވިދާޅުވިއެވެ.
ޖޭއެސްސީ އިސްލާހުކުރުމަކީ ރައީސް އިބްރާހިމް މުޙައްމަދު ޞާލިޙްގެ ރިޔާސީ ވައުދެކެވެ. ނަމަވެސް ޖޭއެސްސީގައި ސިޔާސީ މީހުން ނުތިބޭ ގޮތަށް ތިން ފަހަރެއްގެ މަތިން މަހިބަދޫ ދާއިރާގެ މެންބަރު އަހްމަދު ތޯރިގު (ޓޮމް) މަޖިލީހަށް އިސްލާހު ހުށަހެޅުއްވި ނަމަވެސް އެ އިސްލާހުތައް ބަލައިނުގަނެ ބޭރުކޮށްލީއެވެ.
One Response
ދެލޯފުޅާ ކަލޭގެ ގޮވެލިފަތި އަހުރެމެން ވަނީ އަޑުއަހާފައެވެ. ކަލޭގެ ބޮޑާކަން އަހަރެމެންވަނީ ނައިބުރައީސް އަކަށް ހުރިއިރު ދެކެފައެވެ. ދެއަނގައިގެ ޑރ އަށް ވަރަށްސަލާމް ބުނެފާ ބުނެލަމެވެ. ކަލޭގެ ބާރެއްހިނގާ ތަނެއްގާ މުދާބަހާނީ 3އޭ ކުންފުނީގެ މުދާބެހިހެނެވެ. ދެރައީ ރައްޔަތުން މީހުން ހަނދާންނެތޭލެއް އަވަސްކަމުންނެވެ. ކަލެޔަކީ ޔާމީނަށް ރަތްމަހަށް ނުދޭވަރާ ދިން މީހެކެވެ. ނުގޮވާކަ ހަޔާތެއް ނެތެވެ. މަހިތައްއަރަނީ ކަލޭމެން (ޔާމީނުވެސް ލައިގެން) ގެ ލަދުޙަޔާތް ކޮބާހެއްޔެވެ. މިއަދު އަލުން ފަކުރެއްގެ ބުރޭންޑް. މމޕރސީ އިން ވައްކަންކުރި އެންމެންވެސް މާދަމާ އޯކޭ. ދެން މާދަމަ ޗާގޯސް ވިއްކާލި ލާރިގަނޑުން ބައިއެޅީމަވެސް އޯކޭ. ތި ވަރަށް ނުލަފާ ނުބައި ބަޔެކެވެ. އިބޫއަކާ ދޫކުރާނެ އިބޫ އެއް ތިތާކުނެތެވެ. ހަމަ ހަބޭހަށް ވަގަށްގޮވާ ވެރިކަން ބަދަލުވުމުން މަގޭ މިތުރަށް އެވަގު ކަލޭގެ ބަދަލުވާނެއެވެ.