ރާއްޖޭގެ ރިސޯޓެއްގައި ފަތުރުވެރިއަކު ރޭޕްކުރި މައްސަލައެއް ބަލަމުންދާ ކަމަށް ފުލުހުން ބުނެފިއެވެ.
ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ ކ.އަތޮޅުގައި ހިންގާ ރިސޯޓެއްގައި ޗުއްޓީ ހޭދަކުރަމުންދިޔަ ފަތުރުވެރިޔަކު ރޭޕްކޮށްފައިވާ މައްސަލައެއް މި މަހުގެ 6 ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ.
“މި މައްސަލައިގެ ތަހުގީގަށް ބޭނުންވާ ސާމްޕަލް ނަގައި ސުވާލުކުރަންޖެހޭ ފަރާތްތަކާ ސުވާލުކުރުމުގެ މަސައްކަތް ފުލުހުން ދަނީ ކުރަމުން.“
މި މައްސަލާގައި އަދި އެއްވެސް މީހަކު ހައްޔަރުކޮށްފައިނުވާ ކަމަށް ފުލުހުން ބުންޏެވެ.
މައުލޫމާތު ލިބިފައިވާ ގޮތުގައި ރޭޕްކޮށްފައިވަނީ ޗައިނާގެ އަންހެނެކެވެ. އޭނާ ރޭޕްކުރީ އެ ރިސޯޓުގައި އުޅޭ ދިވެހި ބަޓުލަރެއް ކަމަށް މައުލޫމާތު ލިބެއެވެ.
