މާލޭ ގެއެއްގައި ރަހީނުކޮށްފައި ތިބި ބަޔަކު ސަލާމަތްކޮށްފިއެވެ.
ފުލުހުން މީޑިއާތަކަށް ފޮނުވި މެސެޖެއްގައި ބުނެފައިވަނީ ހެންވޭރު އަބަދަށްއުފާ މަގުގައި ހުރި ގެއެއްގައި ބަޔަކު ރަހީނުކޮށްފައި ތިބިކަމަށް މައުލޫމާތު ލިބުމުން ބާރުގެ ބޭނުންކޮށްގެން އެ ތަނުގެ ތެރެއަށް މިއަދު ވަދެފައިވާ ކަމަށެވެ.
ފުލުހުން ބުނީ ރަހީނުކޮށްފައި ތިބި ދިވެހި ތިން ފިރިހެނަކު ސަލާމަތްކޮށްފައިވާ ކަމަށާއި އެ މީހުންނަށް އެކިވަރުގެ އަނިޔާކޮށްފައިވާތީ ޑޮކްޓަރަށް ދެއްކުމަށް އެ މީހުން އައިޖީއެމްއެޗަށް ގެންގޮސްފައިވާ ކަމަށެވެ.
މި މައްސަލާގައި ދިވެހި ފިރިހެނަކާއި 18 އަހަރުން ދަށުގެ ދެ ފިރިހެން ކުދިން ފުލުހުންގެ ބެލުމުގެ ދަށަށް ގެންގޮސްފައިވާއިރު, މައްސަލަ ތަހުގީގުކުރަމުންދާ ކަމަށް ފުލުހުން ބުންޏެވެ.
ނަމަވެސް ހައްޔަރުކުރި މީހުންގެ އިތުރު ތަފްސީލެއް ހާމައެއް ނުކުރެއެވެ.
One Response
ހާދަ ބޮޑު ކުރިއެރުމެކެވެ.