ނުކުޅެދުންތެރިކަން ހުންނަ މީހުންނަށް ދައުލަތުން ދޭ އެލަވަންސް 6,000 ރުފިޔާއާ ހަމައަށް ބޮޑުކޮށްފިއެވެ.
ނުކުޅެދުންތެރިކަން ހުންނަ ފަރާތްތަކަށް ދެވޭ މާލީ އިނާޔަތުގެ މިންވަރު މުރާޖައާކުރުމާ ގުޅިގެން އެކަމާބެހޭ މައުލޫމާތު ހާމަކުރެއްވުމަށް ޖެންޑާ މިނިސްޓްރީއާއި އާސަންދަ އަދި އެންސްޕާ ގުޅިގެން މިއަދު ވަނީ ނޫސްވެރިންގެ ބައްދަލުވުމެއް ބާއްވައިފައެވެ.
މީގެކުރިން ނުކުޅެދުންތެރިކަން ހުންނަ މީހުންނަށް ދެމުން އައީ 2000 ރުފިޔާގެ އެލަވަންސެކެވެ. ނަމަވެސް މީގެފަހުން މަހަކު 3000 ރުފިޔާގެ އެލަވަންސެއް ލިބޭނެއެވެ.
މީގެއިތުރުން އެ މީހެއްގެ ނުކުޅެދުންތެރިކަން ހުރި މިންވަރަށް ރިއާޔަތްކުރުމަށްފަހު އިތުރު އެލަވަންސްތަކެއް ދޭން ވަނީ ނިންމާފައެވެ.
ކެއާރަރ އެލަވަންސް: އިތުރު 2000 ރ. – ޖުމްލަ 5000 ރ.
ސެލްފް ކެއަރ އެލަވަންސް: އިތުރު 1000 ރ. – ޖުމްލަ 4000 ރ.
ގޭބިސީގައި ހިމެނޭ ނުކުޅެދުންތެރިކަން ހުންނަ ފަރާތްތަކުގެ އަދަދު އިތުރުނަމަ ދެވޭ އެލަވަންސް: އިތުރު 1000 ރ. – ޖުމްލަ 4000 ރ.
ނުކުޅެދުންތެރިކަން ހުންނަ މީހުންގެ ދަފުތަރުގައި މިހާރު ތިބީ 11371 މީހުންނެވެ. މި އަހަރުގެ މިހާތަނަށް އެލަވަންސަށް 111 މިލިއަން ރުފިޔާ ވަނީ ޚަރަދުކޮށްފައެވެ.
