ރައްޔިތުންގެ މަޖިލިސް ޑެޑްލޮކަކަށް ގޮސްފައިވާ މައްސަލަ ހައްލުކުރެވޭނީ ރައީސް މުޙައްމަދު ނަޝީދަށް ދައުވާކޮށްގެން ކަމަށް އައްޑޫ މަރަދޫ ދާއިރާގެ މެމްބަރު އިބްރާހިމް ޝަރީފް (މަވޯޓާ) މިއަދު ވިދާޅުވެއްޖެއެވެ.
މިދިޔަ ހަފުތާއިން ފެށިގެން މަޖިލީހުގެ ޖަލްސާތައް ވަނީ ހުއްޓިފައެވެ. މައިގަނޑު ސަބަބަކީ މަޖިލީހުގެ ދާއިމީ ކޮމިޓީތައް އެކުލަވައިނުލެވުމެވެ.
މިކަމާގުޅޭ މައްސަލަ ތަޅުމަށް ގެނެސް ފާސްކުރަން ނިންމައި މިއަދު ބޭއްވި ޖަލްސާގައި އިދިކޮޅު މެންބަރުން އަޑުގަދަކުރެއްވުމުން އެންމެ ފަހުން ޖެހުނީ މެދުކަނޑައިލާށެވެ.
މެމްބަރު ޝަރީފް ކުރެއްވި ޓުވީޓެއްގައި ވިދާޅުވީ މަޖިލިސް ހިސޯރުކޮށްފައި އޮތް އޮތުން ނިމުމަކަށް ގެނައުމަށްޓަކައި ނަޝީދުގެ މައްޗަށް ދައުވާކޮށް ގާނޫނީ ފިޔަވަޅު އެޅުން ނޫން ގޮތެއް ނެތް ކަމަށެވެ. އަދި މަޖިލީހުގެ ރިޔާސަތު ބަލަހައްޓަވަން ނަޝީދު އުޒުރުވެރިވެވަޑައިގަތުމުން ރިޔާސަތާ ހަވާލުވެވަޑައިގެންނެވި ވިލިފުށި ދާއިރާގެ މެންބަރު ޙަސަން ޢަފީފު ވެސް ޖަލްސާތައް ކުރިއަށް ގެންދެވުމަށް ގަސްދެއް ނުކުރައްވާ ކަމަށާއި އެފަދަ ނިޔަތެއް ވެސް ނެތް ކަމަށް ޝަރީފް ވިދާޅުވިއެވެ.
“ޢަފީފް ވެސް ޖަލްސާތައް ކުރިއަށް ގެންދެވުމަށް ގަސްދެއް ނުކުރައްވާ. ނިޔަތެއް ވެސް ނެތް.“ ޝަރީފް ވިދާޅުވިއެވެ.
އެމްޑީޕީއަށް ސްޕަރ މެޖޯރިޓީ ލިބިފައި އޮވެ, މަޖިލިސް ޑެޑްލޮކަށް ގޮސްފައިވާ މައްސަލައިފައި އިދިކޮޅު މެންބަރުން ވިދާޅުވަނީ އެކަމުގެ ޒިންމާ ނަގަން ޖެހޭނީ ސަރުކާރާއި އެމްޑީޕީ ކަމަށެވެ.
One Response
މމޕރސ 85 މިލިއަން ރުފިޔާގެ އިއްޒަތްތެރި ވެރިއެއް. މީޓަރަށް ލާރި އެޅިވަރަކަށް އޯކޭވާނީ. ޝަރީފްއަށް ހަމަ ސާބަސް