ޚާއްސަ އެހީއަށް ބޭނުންވާ މީހުންނަށް މާލީ އެހީގެ މިންވަރު މުރާޖައާކުރައްވައި އިތުރު އިނާޔަތްތަކެއް ތައާރަފު ކުރެއްވުމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ނިންމަވައިފިއެވެ.
ރައީސް މި ނިންމުން ނިންމެވީ އިއްޔެ ބޭއްވި ވަޒީރުންގެ މަޖިލީހުގެ ޖަލްސާގައި މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސްއިން ހުށަހެޅުއްވި ކަރުދާހަށް މަޝްވަރާ ކުރެއްވުމަށްފަހު އެ މަޖިލީހުގެ ލަފާފުޅުގެ މަތިންނެވެ.
ރައީސް އޮފީހުން ވިދާޅުވީ ނުކުޅެދުންތެރިކަން ހުންނަ ފަރާތްތަކަށް ދެވޭ މާލީ އެހީއާ ގުޅޭގޮތުން ނިންމެވި ނިންމެވުމާ ގުޅޭ ތަފްސީލުތައް ސަރުކާރުން ހާމަކުރައްވާނެ ކަމަށެވެ.
ޚާއްސަ އެހީއަށް ބޭނުންވާ މީހުންނަށް މާލީ އެހީގެ ގޮތުގައި މިހާރު ދެނީ މަހަކު 2,000 ރުފިޔާއެވެ. އެ އެލަވަންސް ދޭން ފެށީ މީގެ 12 އަހަރުކުރިންނެވެ.
One Response
ފައިސާ ޖަހައިގެން ނަމަވެސް ތިކަން ކުރައްވާތިއެވެ. ރައްޔަތުމީހާ ބަލާކަށް ބޭނުމެއްނުވާނެ އޭނާގެ ޖީބު ކަނޑައިގެން ދިނަސް. ލިބެންޏާ ވަރަށް އޯކޭ ވާނެއެވެ.