ތުރުކީގެ ދެބަކަނޑުން ދަތުރުކުރާ އެހެން ގައުމުތަކުގެ ބޯޓުތަކުން ފީގެ ގޮތުގައި ނަގާ އަދަދު އެގައުމުން އިތުރުކޮށްފިއެވެ.
ތުރުކީގެ ރައީސް ރަޖަބް ޠައްޔިބު އުރުދުޣާން އަނެއްކާވެސް ވެރިކަމަށް އިންތިޚާބުވެއްޖެނަމަ، އިސްލާމޯ އޮޓޮމަން ވެރިކަމުގެ ފަހުން ތުރުކީއަށް ކުރުން މަނާކުރެވިފައިވާ އެތައް ކަމެއް މަޑުމަޑުން ހުއްދަކުރާނެތީ ހުޅަނގުގެ ގިނަ ގައުމުތަކުން ތިބީ ކަންބޮޑުވެފައެވެ.
އެގޮތުން، ރައީސް އުރުދުޣާނު އަލުން އިންތިޚާބުވުމާއެކު މުދާ އުފުލާ ބޭރުގެ ބޯޓުތަކުން އިސްތަންބުލް އަދި ކަނަކަލޭ ކަނޑުތައް ބައްދާނަމަ ނަގާ ޓްރާންސިޓް ފީ ވަނީ ބޮޑުކޮށްފައެވެ. އަދި ތުރުކީ ސަރުކާރުން މިކަން ކޮށްފައިމިވަނީ މޮންޓްރަ ކޮންވެންޝަނުން ތުރުކީއަށް ލިއްބައިދޭ ހައްގުތަކުގެ ދަށުންނެވެ.
ތުރުކީ ސަރުކާރުން އިއުލާނުކޮށްފައިވަނީ ކޮންމެ ޓަނަކުން 4.42 އެމެރިކާ ޑޮލަރުގެ ނެޓު އަދަދެއް ނަގަމުންގެންދާނެ ކަމަށެވެ.
”ކަނޑުތައް މެދުވެރިކޮށް ގައުމަށް އެތެރެކުރާ ބޭރު ފައިސާގެ އަދަދު އިތުރުކުރުމަށް 01 ޖުލައި އިން ފެށިގެން ގަވާއިދަށް އައު އިސްލާހެއް ގެންނާނަން.“ ތުރުކީގެ ޓްރާންސްޕޯޓް އެންޑް އިންފްރާސްޓްރަކްޗަރާ ބެހޭ ވަޒީރު، މިނިސްޓަރ ޢަބްދުލްކާދިރް އުރަލޯލޫ ވިދާޅުވިއެވެ.
3 Responses
ދެބަކަޑުން އެއީ ކޮންއެއްޗެއް?
ދެބަކަޑުން އެއީ ކޮންއެއްޗެއް? ”ދެބަކަނޑުން“?
އަޅުގަނޑުވެސް ހީކުރީ އެއީ އިސްތަންބޫލް ކަނޑުއޮޅިއަށް ދިވެހި ބަހުން ކިޔާ ނަން ކަމަށެވެ. އެސަރަހަްދުގައި ގިނަދުވަސްތަކެއްވަންދެން ގްރީކު މީހުންނާއެކު ދަތުރުކުރުމުގެ ފުރުސަތު ލިބިފައިއޮތުމުން ގްރީކު މީހުން އެ ކަނޑުއޮޅިއަށް ކިޔާނަމާއި ތުރުކީން ކިޔާއުޅުނު ނަންވެސް އޮތީ އަޑުއިވިފައެވެ. ކޮންމެއަކަސް އެތަނުގައި ދެ ކަނޑުއޮޅިއެއް އޮވެއެވެ. އެއީ އިސްތަންބޫލް ކަނޑުއޮޅިއާއި ބޮސްފޮރަސް ކަނޑު އޮޅިއެވެ. ބޮސްފޮރަސް ކަނޑުއޮޅީގެ ދިގުމިން އިސްތަންބޫލް ކަނޑުއޮޅިއަށްވުރެން ކުރުވާނެއެވެ. އެކަމަކު ދެ ކަނޑުއޮޅިންވެސް ފުއްދާދެނީ އެއް މަގްސަދެކެވެ. ބްލެކްސީ އާއި މެޑިޓެރޭނިއަން ކަނޑު (ސީ އޮފް މަރްމަރާގެ ތެރެއިން ލާފާ) ގުޅުވައި ދިނުމެވެ. އިސްތަންބޫލް ކަނޑުއޮޅި އޮންނަނީ ޔޫރަޕާއި އިސްތަންބޫލް ވަކިކުރެވޭ ކެނަލެއްގެ ގޮތުގައެވެ. ބޮސްފޮރަސް ކަނޑުއޮޅި އޮންނަނީ އިސްތަންބޫލާއި އޭސިޔާ ވަކިކުރެވޭ ކެނަލެއްގެ ގޮތުގައެވެ. ލިއުންތެރިޔާ ލިއުއްވާފައިވާ ނަންތައް އޮޅުންފިލުވާދެއްވުމަކީ ސަންދާނުގެ ކިއުންތެރިންނަށް ފައިދާ ކުރާނެ ކަމެކެވެ.
އަޅުގަނޑަށް އެނގިފައިވާ ގޮތުގައި ކަނައްކަލޭ ބޯއައްޒީޗީ އަކީ ގްރީކްމީހުންގެ ބަސް ވަރުގަދަކުރި ޒަމާނުގައި އިސްތަންބޫލް ކަނޑުއޮޅިއަށް ގްރީކުން ބޭނުންކުރި ނަމެކެވެ. އަޅުގަނޑުގެ މައުލޫމަތު ރަނގަޅު ނޫންނަމަ އަޅުގަނޑަށް އޮޅުންފިލުވާދެއްވުން އެދެމެވެ.