ވަޓްސްއެޕް ބޭނުންކުރާ ގިނަ ބައެއްގެ އެދުމާއެކު، ވަޓްސްއެޕުން ފޮނުވާ މެސެޖުތައް އެޑިޓްކުރެވޭ ފީޗަރއެއް އެ ކުންފުނިން ތައާރަފުކޮށްފިއެވެ.
ވަޓްސްއެޕުން އަންގާރަ ދުވަހު ބުނީ، މެސެޖު ފޮނުވުމުގެ 15 މިނެޓު ތެރޭގައި އެ ފޮނުވާ މެސެޖު އެޑިޓް ކުރެވޭނެ ކަމަށެވެ. އަދި ބަދަލު ގެނެވިފައިވާ މެސެޖުތައް ޗެޓް ލޮގުގައި ހުންނާނީ ”އެޑިޓެޑް“ ލޭބަލް އަޅުވާފައިކަމަށާއި، އެހެންނަމަވެސް ގެނެސްފައިވާ ބަދަލުތައް ނުފެންނާނެކަމަށް ވަޓްސްއެޕުން ބުނެއެވެ.
”ސްޕެލިންގް އިސްލާހު ކުރުމުން ފެށިގެން ފޮނުވާ މެސެޖުތަކަށް ބައެއް އިތުރުކުރުމާއި ހަމައަށް، ތިމާ ފޮނުވާ ޗެޓުތަކަށް އޮންނަ ކޮންޓްރޯލް މިހާރު އިތުރުކޮށްފައިވާކަން އުފަލާއެކު ފާހަގަކުރަން.“ ވަޓްސްއެޕުން ނެރުނު ބަޔާނެއްގައި ލިޔެފައިވެއެވެ.
