ބީއާރްއައިސީއެސް ނުވަތަ ބްރިކްސްގެ މިއަހަރުގެ ސަމިޓު ބާއްވަން މަދު ދުވަސްކޮޅަކަށް ވެފައިވަނިކޮށް، އުތުރު ފަސް ގައުމަކުން މި ބައްދަލުވުމުގައި ބައިވެރިވެ، ބްރިކްސް ކަރަންސީ ބޭނުންކުރަން ފަށަން އުޅޭކަމުގެ ޚަބަރު ލިބިއްޖެއެވެ.
ބްރިކްސްގައި ބައިވެރިވުމުގެ ޝައުގުވެރިކަން ފާޅުކޮށްފައިވާ ގައުމުތަކަކީ އިރާނާއި، އާޖެންޓީނާއާއި، ސަޢޫދީޢަރަބިއްޔާއާއި، ތުރުކީ އަދި މިޞްރެވެ.
”މި ގައުމުތަކުން ބައިވެރިވުމަށް ޝައުގުވެރިކަން ފާޅުކޮށް، މިހާރު އަންނަނީ މެމްބަރޝިޕަށް އެޕްލައިކުރުމަށް ތައްޔާރުވަމުން.“، ބްރިކްސް އިންޓަނޭޝަނަލް ފޯރަމުގެ ރައީސް، ޕޫރްނިމާ އާނަންދު ވިދާޅުވިއެވެ.
ކުރިއަށް އޮތް ބްރިކްސް ބައްދަލުވުމުގައި އެންމެ ބޮޑަށް ވާހަކަދެކެވިގެންދާނީ ބްރިކްސް ކަރަންސީ ފަރުމާކޮށް ތަރައްގީކުރުމުގެ މަސައްކަތާއި ބެހޭގޮތުންކަމަށް ބެލެވެއެވެ.
