ރައްޔިތުންގެ މަޖިލީހުގެ ގުރައިދޫ ދާއިރާގެ ބައި އިލެކްޝަންގެ ކެމްޕޭނުގައި އާސަންދައިގެ ނަމުގައި ސަރުކާރުން 170 ޚަރަދުކޮށްފައިވާ ކަމަށް ވިދާޅުވެ ރައްޔިތުންގެ މަޖިލީހުގެ މާވަށު ދާއިރާގެ މެންބަރު މުޙައްމަދު ސަޢީދު ބޮޑެތި ތުހުމަތުތަކެއް ކުރައްވައިފިއެވެ.
ރައްޔިތުންގެ މަޖިލީހުގެ މި އަހަރުގެ ފުރަތަމަ ދައުރުގެ 33 ވަނަ ޖަލްސާގައި ސަޢީދު ވިދާޅުވީ މި އަހަރުގެ ފުރަތަމަ ތިން މަސް ހިނގައިދިޔައިރު އާސަންދައިގެ %60 ހުސްކޮށްލައިފި ކަމަށެވެ. އަދި ހަމައެއާއެކު ގުރައިދޫ ދާއިރާގެ އިންތިޚާބުގައި އެމްޑީޕީގެ ކެމްޕޭނުގައި ސަރުކާރުން އެންސްޕާގެ ކައުންޓަރެއް ގެސްޓުހައުސްއެއްގައި ހުޅުވާފައި ހުރި ކަމަށާއި އެ ގޮތުން އާސަންދައިގެ ނަމުގައި 13 ދުވަސްތެރޭގައި 170 މިލިއަން ހުސްކޮށްލިކަމަށް ވެސް ސަޢީދު ވިދާޅުވިއެވެ.
“ރައީސް އޮފީސް ތެރެއިން ޚާއްސަ ޑިޕާޓްމަންޓެއް ހަދައިގެން, ރައީސް ޞާލިޙަށް ވާގިވެރިވާ ގިނަ އަދަދެއްގެ މަޖިލިސް މެންބަރުންގެ އެންގުމަށް އާސަންދަ އޮޕަރޭޓްކުރަނީ. %60 ހުސްކޮށްލިއިރުގައި ފިތްކަނޑައިގެންދާވަރު އަދަދެއް މި އޮތީ ގުރައިދޫ އިންތިޚާބުގެ 13 ދުވަހުގައި. ކޮންމެ ދުވަހަކު 13 މިލިއަން އާސަންދައަށް. ޖުމްލަ 170 މިލިއަން ރުފިޔާ އާސަންދައިގެ ނަމުގައި މި އޮތީ ޚަރަދުކޮށްފަ.“
“އެންސްޕާގެ ކައުންޓަރެއް ހުރި ގެސްޓް ހައުސެއްގެ އެތެރޭގައި. އެ ކައުންޓަރުގެ މެނޭޖަރާއި އަޅުގަނޑާ ބައްދަލުވި. އެއީ ރުޤީ. އަޅުގަނޑު އަހައިލިން ކަމަނާ ވެސް މިތާ ގައިތޯއޭ؟ ވިދާޅުވި، އާދޭހޭ! މި އިންތިޚާބުގެ ކަންތަކުގައޭ މި އުޅެނީ.“
ސަޢީދުގެ ވާހަކައިގައި ވަނީ އިންތިޚާބުގައި ސްޓެލްކޯގެ ލޯންޗުތައް ފާޅުގައި ބޭނުންކުރިކަން ވެސް ފާހަގަކުރައްވައިފައެވެ.
ސަރުކާރުގެ ސިޔާސަތުތަކަށް ފާޑުވިދާޅުވަމުން ސަޢީދު ވަނީ ފެނުން މައްޗަށް ތިލަނުވާ ބްރިޖަކަށް 600 މިލިއަން ޑޮލަރު ތަޅާލައިފި ކަމަށް ވެސް ވިދާޅުވެފައެވެ. އަދި ބޭނުން ބައެއްގެ ޓެކްސް މާފު ކުރުމުގެ ބާރު ރައީސް ޞާލިޙްގެ އަތްޕުޅަށް ކަހާލައިފި ކަމަށް ވެސް ސަޢީދު ވިދާޅުވިއެވެ.
2 Responses
ސުބުޙާނައްﷲ، އިބޫ ޖަވާބުދާރީ ކުރުވަންޖެހެނީ! ހަމަ ރަނގަޅަށްވެސް ރައްޔަތުމީހާ ފެލާލައިފި
170 މިލިއަން އެއީ މުޅި ރާއްޖެއައް ޙަރަދުވިވަރުކަމައް ވެދާނެ. ގުރައިދޫ ދާއިރާގެ އިންތިހާބުގަ ޙަރަދުކޮއް ފައިސާ ބެހީ ނާޒިމް ޕާޓީންނާއި ޕީ،ޕީ،އެމް އިން ކަން މިދާއިރާގެ ރައްޔިތުންނައް އިނގޭނެ.. ފާޅުގަ ލާރިބެހީވެސް. އެންމެގިނައިން ބެހީ ނާޒިމު ޕާޓީ އިން..
މާކުރިންވެސް އިނގޭ މިގޮނޑި އެމް،ޑީ،ޕީ އިން ނަގާނެކަން.. ވޭތުވެދިޔަ 30 އަހަރުން ނުވާހާ ގިނަ ޕްރޮޖެކްޓުތައް މި ސަރުކާރުން މިދާއިރާގައި ހިންގަމުން ދިޔުމާއި އެކު ދާއިރާގެ ރައްޔިތުން ތިބީ މިސަރުކާރައް ދެން މިއޮތް ދުވަސްކޮޅުވެސް ދޭގޮތައް.. ޕީ،ޕީ،އެމް އާއި ނާޒިމު ޕާޓީއިން ލާރި ނުބެހިނަމަ އަދި މާތަފާތުބޮޑުކޮއް އެމް،ޑީ،ޕީ އިން މިއިންތިހާބު ކާމިޔާބުކުރީސްކަން ޔަޤީން.. އަޅުގަނޑަކީ މިދާއިރާގެ ރައްޔިތެއްގެ އިތުރުން އިންތިހާބުތަކުގަ ވަރައް ބޮޑައް މަސަތްކަތް ކޮއްފަހުރި ފަރާތެއްގެ ހައިސީއްޔަތުން މިބުނަނީ.. އެތައް އަހަރެއް ވަންދެއް ވިޔާދާ ކަމެއް ކޮއްނުދީ ގޮނޑި ޕީ،ޕީ،އެމް އައް ދީގެން ތިބި ތިބުން ނިމުމަކައް މިއައީ ކުރިއައް އޮތްތަނުގަވެސް..