މާދަމާއަކީ މި އަހަރުގެ ފިޠުރު ޢީދު ދުވަސް ކަމުގައި ސަޢޫދީ ޢަރަބިޔާއިން ކަނޑައަޅައިފިއެވެ.
ސަޢޫދީގެ ތުމައިރު އެންޑް ސުދައިރު އޮބްސަވޭޓަރީގެ ސައިޓިން ކޮމިޓީން ވަނީ އެ ގައުމަށް މިރޭ ޝައްވާލު މަހުގެ ހަނދު ފެނިފައިވާ ކަން ކަށަވަރުކޮށްދީފައެވެ.
އެހެންކަމުން މިއަހަރުގެ ރަމަޟާން މަހަކީ 29 ދުވަހުގެ މަހެއް ކަމަށާއި މާދަމާއަކީ މިއަހަރުގެ ފިތުރު އީދު ދުވަހުގެ ގޮތުގައި އެ ގައުމުގެ ކަމާބެހޭ އިދާރާތަކުން ވަނީ ކަނޑައަޅައިފައެވެ.
ސަޢޫދީގެ އިތުރުން މިޞްރުން ވެސް ވަނީ މާދަމާއަކީ އެ ގައުމަށް މިއަހަރުގެ ފިތުރު އީދު ދުވަސްކަން އިއުލާނުކޮށްފައެވެ.
ނަމަވެސް އިސްލާމީ ބައެއް ގައުމުތަކުން ވަނީ މާދަމާއަކީ އެ ގައުމުތަކަށް ރަމަޟާން މަހުގެ ފަހު ދުވަސްކަން އިއުލާނުކޮށްފައެވެ. އޭގެތެރޭގައި އިންޑޮނޭޝިޔާ މެލޭޝިޔާ ހިމެނެއެވެ.
