ބޯފެނަށް އެދި ހޯނޑެއްދޫ ރައްޔިތުން ފެނަކަ ކޯޕަރޭޝަންގައި އާދޭސް ކުރާތާ މަހެއްވެއްޖެ ކަމަށް އެ ދާއިރާގެ މެންބަރު ޙުސެއިން ފިރުޝާން މިއަދު ވިދާޅުވެއްޖެއެވެ.
ހޯނޑެއްދުއަށް ވާރޭނުވެހި ގިނަދުވަސްވުމާ ގުޅިގެން އެ ރަށުގައި ބަހައްޓާފައި ހުރި އާންމު ތާނގީތަކުންނާއި ބައެއް ގެތަކުން ވާރޭފެން ވަނީ ހުސްވެފައެވެ. އަދި މިހާރު ވާރޭފެން ހުސްވެފައިވާ ގެތަކުގެ ރައްޔިތުން ވާރޭފެން ހުރި ގެތަކުން ފެން ނަގަމުންދާތީ އެގެތަކުގައި ރައްކާ ކުރެވިފައިވާ ވާރޭފެން ހުސްވުމާ ގާތަށް ގޮސްފައިވާކަމަށް އެ ރަށު ކައުންސިލުން މައުލޫމާތު ދެއެވެ.
ހޯނޑެއްދޫ އޮތީ ބޯފެނަށް ޖެހިފައިކަން ފާހަގަކުރައްވައި މެންބަރު ޙުސެއިން ފިރުޝާން މިއަދު ވިދާޅުވީ މާޗު މަހުން ފެށިގެން ސަރުކާރުގައާއި ފެނަކައިގައި ބޯފެނަށް އެދި ކައުންސިލުން ދެންނެވުމުން އެ ކުންފުނީގެ އެމްޑީ މުޙައްމަދު ސަޢީދު ދިނީ ބީރު ކަންފަތެއް ކަމަށެވެ.
“ހޯނޑެއްދޫ ރައްޔިތުންނަށް ފެން ފޯރު ކޮށްނުދޭނެ ކަމަށްވަންޏާ އެހެން ވިދާޅުވޭ. 1 މަސް ވެއްޖެ ފެނަކައިގަ އާދޭސްކުރާތާ.“ ރައީސް އިބްރާހިމް މުޙައްމަދު ޞާލިޙަށް ޓެގްކުރައްވައި ފިރުޝާން ކުރެއްވި ޓުވީޓުގައި ވިދާޅުވިއެވެ.
ހޯނޑެއްދޫގެ އާންމު ރައްޔިތުންނަށް ބޯފެން ހަދިޔާ ކުރައްވަން ޝައުގުވެރިވާ ފަރާތްތަކަށް އެ ފުރުސަތު މިހާރު ވަނީ ހުޅުވައިލާފައެވެ.
ހޯނޑެއްދޫގެ އާންމު ރައްޔިތުންނަށް ބޯފެން ހަދިޔާ ކުރައްވަން ޝައުގުވެރިވާ ފަރާތްތަކުން ކައުންސިލުގެ ސެކްރެޓަރީ ޖެނެރަލް
މުޢާޛް މުޙައްމަދު (ފޯނު ނަންބަރު: 9192818) އާއި ކައުންސިލް އެގްޒެކެޓިވް ޢިނާޔަތު ﷲ ޢަބްދުއްސައްތާރު (ފޯނު ނަންބަރު: 7915501) އަށް ގުޅުއްވައިގެން ކުރިއަށް ގެންދެވުމަށް ކައުންސިލުން ވަނީ އެދިފައެވެ.
ފިރުޝާން ވަނީ ހޯނޑެއްދޫ ރައްޔިތުންނަށް ބޯފެން ހަދިޔާ ކުރަން އެދޭ ފަރާތްތަކުން ކައުންސިލް ގުޅުއްވައި ދެއްވުމަށް އެދިފައެވެ.
One Response
ފިރުޝާން ކޮބާ އަންނި ކަލެޔަށް ބޯފެން ދީފިތަ
އަދިވެސް ރާބޯންދު ޭ