ރ.މަޑުއްވަރީގައި ޕިކަޕަކުން ޖެހި މީހަކު މަރުވެއްޖެއެވެ.
ފުލުހުންގެ އިދާރާއިން ވިދާޅުވީ މަޑުއްވަރީގައި ޕިކަޕެއް ފަހަތަށް ޖެއްސި ވަގުތުގައި ފަހަތުގައި ހުރި މީހެއްގެ ގައިގައި ޕިކަޕުން ޖެހުނު ކަމުގެ ރިޕޯޓު ލިބުނީ މިއަދު މެންދުރުފަހުގައި ކަމަށެވެ.
އެހާދިސާގައި ނިޔާވީ އުމުރުން 40 އަހަރުގެ މީހެއް ކަމަށް ފުލުހުން ވިދާޅުވިއެވެ.
އޭނާ ނިޔާވީ ހާދިސާގެ ސަބަބުން ލިބުނު އަނިޔާތަކަށް އުނގޫފާރު ރީޖަނަލް ހޮސްޕިޓަލުގައި ފަރުވާދެމުން ދަނިކޮށެވެ.
ފުލުހުން ވިދާޅުވީ ހާދިސާއާ ގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.
ހާދިސާގައި މަރުވީ މަޑުއްވަރީ ކައުންސިލުގެ ސެކްރެޓަރީ ޖެނެރަލް އަހްމަދު އަސްލަމް (40 އ) އެވެ.
