މާރާމާރީ ހިންގި މައްސަލައަކާ ގުޅިގެން ފުލުހުން ހޯދަމުންދާ މީހަކު ފޮރުވައިގެން ގެންގުޅޭ ކަމުގެ ތުހުމަތުގައި ފަސް މީހަކު ހައްޔަރުކޮށްފިއެވެ.
ގުރޫޕް ހަދައިގެން ތޫނު ހަތިޔާރު ބޭނުންކޮށްގެން މާރާމާރީ ހިންގި މައްސަލައަކާ ގުޅިގެން ފުލުހުން ހޯދަމުންދަނީ ސ.މަރަދޫފޭދޫ/ރަށްދެބައިގޭ އުމުރުން 25 އަހަރުގެ އިބްރާހީމް ފައިޙް ނިޡާމެވެ.
ފުލުހުން މިއަދު މީޑިއާތަކަށް ފޮނުއްވި މެސެޖެއްގައި ވިދާޅުވީ ފައިޙް ހައްޔަރުކުރިޔަ ނުދިނުމަށްޓަކައި އޭނާ ފޮރުވައިގެން ގެންގުޅޭކަމަށް ތުހުމަތުކުރެވޭ މައްސަލައިގައި މާލެ ސަރަހައްދުން ދިވެހި ފަސް ފިރިހެނުން ހައްޔަރުކުރީ ރޭގެވަގުތެއްގައި ކަމަށެވެ.
އަދި އެ މައްސަލަ ތަހުގީގުކުރަމުންދާ ކަމަށް ވެސް ފުލުހުން ވިދާޅުވިއެވެ.
