ކ.ތުލުސްދޫ ކަނޑުއޮޅިއަށް މޫދަށް އެރި އުޅުނު ފަތުރުވެރިއެއްގެ ގައިގައި އެ ސަރަހައްދުން ދުއްވާފައި ދިޔަ ޑިންގީއަކުން ޖެހި އޭނާ މަރުވި މައްސަލައިގައި އެ ޑިންގީގެ ކެޕްޓަން ހައްޔަރުކޮށްފިއެވެ.
މިދިޔަ އާދިއްތަ ދުވަހު ކ.ތުލުސްދޫ ކަނޑު އޮޅިއަށް ގޮސް އުޅެނިކޮށް މަރުވީ ޕޮލެންޑަށް ނިސްބަތްވާ ފިރިހެނެކެވެ.
ޑިންގީގެ ބުރަފަތީގައި ޖެހުމުން އޭނާގެ ބަނޑު ފަޅައިގެން ގޮސް ގޮހޮރު އޮތީ ބޭރަށް ނުކުމެފައެވެ. އަދި އޭނާގެ އެއް އަތް ވެސް ބުރިވިއެވެ.
ފުލުހުން ވިދާޅުވީ އެ މައްސަލައިގައި 45 އަހަރުގެ ދިވެހި ފިރިހެނަކު ހައްޔަރުކޮށްފައިވާ ކަމަށެވެ. އަދި 10 ދުވަހުގެ މުއްދަތަކަށް އޭނާ ގޭ ބަންދުކުރަން ކޯޓުން ޢަމުރުކޮށްފައިވާ ކަމަށެވެ.
ޑިންގީ ދުއްވަން ހުރި މީހާއަކީ ކަނޑުއުޅަނދު ދުއްވުމުގެ ލައިސަންސް ވެސް އޮތް މީހެއް ނޫން ކަމަށް ފުލުހުން ވިދާޅުވިއެވެ.
