އެއް ހަރަކުން މުއުމިނެއްގެ ގަޔަށް ދެފަހަރަކު ކަށްޓެއް ނުޖެހޭނެ ކަމަށް ވިދާޅުވެ ކުރީގެ ޓޫރިޒަމް މިނިސްޓަރު މަރްޔަމް ޒުލްފާ އެމްޑީޕީގެ ރިޔާސީ ޕްރައިމަރީގައި އެ ޕާޓީގެ އެންމެ އިސް ލީޑަރު ރައީސް އިބްރާހިމް މުޙައްމަދު ޞާލިޙަށް ތާއީދު ކުރައްވާކަން ހާމަކުރައްވައިފިއެވެ.
ޒުލްފާ މިކަން ހާމަކުރެއްވީ “އެމްޑީޕީ ކުރިއަށް“ މި ޝިޢާރާއެކު މިއަދު ކުރެއްވި ޓުވީޓެއްގައެވެ.
ޒުލްފާގެ ޓުވީޓުގައި ވިދާޅުވީ ހަމަ އެންމެ ކަތި ފިޔަވަޅަކުން ޕާޓީ މަގުމަތިވެ ހަތް އަހަރު އަނިޔާވެެރި ބިރުވެރި ދުވަސްތައް ތަޖުރިބާ ކުރަން ޖެހުުނުކަން މިއަދު ހަނދާންކުރަންޖެހޭ ކަމަށެވެ. އަދި އެކަން ތަކުރާރުވާން އެދިވަޑައިނުގަންނަވާ ކަމަށް ވެސް އޭނާ ވިދާޅުވިއެވެ.
“އެކަން އޯކޭ އެއްނޫން. އެކަން ތަކުރާރުވާކަށްވެސް ނޭދެން. އެއް ހަރަކުން މުއުމިނެއްގެ ގަޔަށް ދެފަހަރަކު ކަށްޓެއް ނުޖަހާނެ.“ ރައީސް ނަޝީދުގެ ވެރިކަމުގައި މިނިސްޓަރުކަން ކުރެއްވި ޒުލްފާ ވިދާޅުވިއެވެ.
ޒުލްފާ މިނިސްޓަރުކަން ކުރެއްވީ ރައީސް ނަޝީދުގެ ވެރިކަމުގައި 2010 ނޮވެމްބަރު 07 އިން 2012 ފެބްރުއަރީ 07 އަށެވެ.
One Response
Varah bodu thedhu fulheh.. hats off madam.