މޯލްޑިވްސް ބްރޯޑްކާސްޓިން ކޮމިޝަނުން ބާއްވާ ފުރަތަމަ ބްރޯޑްކާސްޓިން އެވޯޑުގެ ޑިޖިޓަލް ޕާޓްނަރަކަށް އުރީދޫ ހަމަޖައްސައިފި އެވެ.
އުރީދޫން ބުނި ގޮތުގައި މިއީ ރާއްޖޭގައި ބާއްވާ މިފަދަ ފުރަތަމަ އެވޯޑުގެ ޑިޖިޓަލް ޕާޓުނަރަކަށް ވުމަކީ އެކުންފުންޏަށް ލިބުނު އުފަލެކެވެ.
އުރީދޫން ބުނީ އެކުންފުނިން ކުންފުނިން އަބަދުވެސް މަސައްކަތް ކުރާނީ ރާއްޖޭގެ އެކި ދާއިރާތައް ކުރިއަރުވާ، ފަންނީ ހުނަރުވެރިންނަށް ހިތްވަރު ދިނުމަށް ކަމަށެވެ.
ބްރޯޑްކާސްޓިން އެވޯޑަކީ ރާއްޖޭގެ ބްރޯޑްކާސްޓިން ދާއިރާގެ މަސައްކަތްތައް ފާހަގަކޮށް، އެ މަސައްކަތްތައް އިތުރަށް ތަރައްގީކުރުމަށް ހިތްވަރު ދިނުމަށް ދޭ އެވޯޑެކެވެ.
މި އެވޯޑުގައި ހިމެނެނީ ތިން އެވޯޑް ކެޓަގަރީ އެކެވެ. އެއީ އިންޑަސްޓްރީ، ޖާނަލިޒަމް އަދި ޕްރޮޑަކްޝަން އެވޯޑް ކެޓަގަރީ އެވެ.