ދިވެހިން އިސްލާމްދީނުގެ ތެދުމަގު ޚިޔާރުކުރިތާ މިހާރު މިވަނީ އަށްސަތޭކަ އަހަރަށްވުރެ ގިނަދުވަސް ވެފައެވެ. އެހެންކަމުން އެދުވަހުން ފެށިގެން ދިވެހިދަރިން ބިނާކުރަން ވާނީ ދިވެހިންގެ ދީންމަތީގައި ތިބެ އެދީނުގެ ފުރިހަމަ ބިންގަލުގައެވެ. އިސްލާމްދީން އަންގަވަނީ الله ގެ ފޮތާއި ރަސޫލާ ދެއްކެވި މަގުން އިސްލާމުންގެ ހުރިހާކަމެއް ފުރިހަމަކުރުމަށެވެ. އަދި ހަމަ އެފަދައިން ދީނުގެ އެއްބަޔަށް ތަބާވެ އަނެއްބައި ދޫކޮށްލުމަކީ الله ގެ މަގަށް ތަބާވުމެއް ނޫނެވެ. މިކަން ކުރެވޭނީ މިއަދުގެ ޅަދަރިންނަށް މަގުދައްކަވަން ތިއްބެވި ފަރާތްތަކުން އިސްލާމުދީނުގެ ފުރިހަމަ އުޞޫލުތައް ތަންފީޒު ކޮށްގެންނެވެ.
އަޅުގަނޑުމެންގެ ޅަދަރިންނަށް މަގުދައްކަވަން ހުންނެވި ތަޢުލީމީ ވަޒީރު މިކަމާ ވިސްނާވަޑައިގަންނަވަން ނުޖެހޭބާވައޭ ހަމަ ހިތް ބުނަނީއެވެ. އެކަމަނާ އިސްލާމީ އުޞޫލުތައް މިއަދުގެ ދަރިންނަށް ނުދައްކަވައި އެދަރީން އިސްލާމީ މަންހަޖު ފުރިހަމަ ކުރާނީ ކިހިނެއް ކަމާމެދު ސުވާލު އުފެދެއެވެ. މީލާދީގޮތުން 1153 ވަނަ އަހަރު އިސްލާމުދީން ޤަބޫލުކުރި ދިވެހިން މިއަދާހަމައަށް އައިރުވެސް ދިވެހިންގެ އިސްލާމީ ޢަޤީދާ ބަލިކަށިކަމީ އެކަމަށް ވިސްނާނުލައި ދޫކޮށްލައިގެން ތިބެވެން އޮތްކަމެއް ނޫނެވެ. ސުކޫލްތަކުގައި ނަމާދުކުރާތަންތަން މިވަނީ ބިނާކުރެވިފައެވެ.
ޢިމާރާތެއް ބިނާކުރުމަކުން ޅަދަރިންގެ ދީން ފުރިހަމައެއްނުވާނެވެ. އެކުދިންގެ ދީން ފުރިހަމަކުރެވޭނީ މަގުދައްކަވަން ތިއްބެވި ފަރާތްތަކުން ނަމޫނާ ދައްކަވައިގެންނެވެ.
ފެނިގެންދަނީ ގިނަ މައިންގެ ލޯބި ދީގެން ބޮޑުކުރާ ދަރިންވެސް ތުއްތުދުވަހުން ފެށިގެން ވެސް އޮރިޔާން ނިވައިނުވާ ހެދުމުގައި ބޮޑުކުރަމުންގެންދާ މަންޒަރެވެ. އަދި ސުކޫލްތަކުގައި ވެސް ވެރިންނާއި މުދައްރިސުންނާއި ނާޒިރުންވެސް އެފަދަ ހެދުންތަކުގައި ޅަދަރިންނަށް ތަޢުލީމު އުގަންނަވައިދެއްވާ މަންޒަރެވެ. މިކަމުގެ ސަބަބުން ދިވެހިދަރިންގެ އިޖުތިމާޢީ ގުޅުންތަކަށް އަސަރުކުރާ މިންވަރަކީ ތަޢުލީމީ ވަޒީރު ވިސްނާވަޑައިގަންނަވަން ޖެހިވަޑައިގަންނަވާ ކަމެއް ނޫންތޯއެވެ؟
އަޅުގަނޑު ދަންނަވާނީ އެޑިއުކޭޝަން މިނިސްޓަރ ވެސް މިކަމާ ވިސްނާވަޑައިގެން ކަމަނާ ވެސް އިސްލާމީ ހެދުންކޮޅެއްގައި ސުކޫލްތަކުގެ ދަރިވަރުންނަށް މިސާލު ދައްކަވައި އިސްލާމީ ރީތި އުޞޫލު ދިވެހިރާއްޖޭގެ ޅަދަރިންގެ މެދުގައި އަށަގެންނެވުމަށެވެ. ވިސްނާވަޑައިގަންނަވަންވީ މިއަދު އެޑިއުކޭޝަން މިނިސްޓަރ އިސްތަށިފުޅު ހާވާލައްވައިގެން ގަޔަށްބާރު ވަނާތައް ފާހަގަވާ ހެދުންކޮޅު ތުރުކުރައްވައިގެން ދިވެހި އިސްލާމީ ޤައުމުގެ ތަޢުލީމީ ވަޒީރެއްގެ މަޤާމު ފުރުއްވުމަކީ އިސްލާމީ ވަހުދަތާ ފުށުންއަރާ އަދި މުސްލިމު ޅަދަރިންގެ މެދުގައި ހުތުރުކަންބޮޑު އާދައެއްކަމުގައެވެ. އިސްލާމްދީން ޤަބޫލު ނުކުރާ ޤައުމުތަކުން މިނިސްޓަރާއި ޓީޗަރުން ތަޢުލީމު ޙާޞިލްކުރުމަކީ ދިވެހި ދަރިވަރުންގެ އިސްލާމީ ޢަޤީދާ ބަލިކަށިކޮށް އެކުދިންގެ ދީނީ ޝިޢާރު ފުޑުކޮށް ފައިދަށުލާން ޖެހޭނެ ސަބަބެއް ނޫނެވެ.
ދިވެހިންގެ ތަޢުލީމީ ވަޒީރުގެ މަސްއޫލިއްޔަތަކަށް ވާންވާނީ މިއަދުގެ ކިޔަވާކުދިންގެ މެދުގައި އިސްލާމީ ނޫރު އަށަގަންނުވައި އެދީނުގެ ހަމަތަކާއި ޢަޤީދާގެ މަތިން އިސްލާމީ އަދަބުތަކާއި އެއްގޮތަށް އެބައިމީހުން ތަރުބިއްޔަތުކުރުމެވެ. އެހެންނޫނަމަ އެދަރިންގެ މުސްތަޤުބަލް ގެއްލި ދިވެހި ޤައުމުގެ އަމާންކަމާއި މަޞްލަޙަތު އޮޔާދިޔުމުގެ ޒިންމާ އުފުއްލަވަން ޖެހިވަޑައިގަންނަވާނީ ހަމަ ތިޔަ ތަޢުލީމީ ވަޒީރުކަން ވިސްނަވާށެވެ!
ތަޢުލީމީ ވަޒީރުއެވެ! އިސްލާމީ ޝަޚުޞިއްޔަތު މިއަދުގެ ޅަދަރިންނަށް އުގަންނަވައި ދެއްވައި ނަމޫނާ ދައްކަވާށެވެ. ދިވެހިދަރީން ބިނާކުރަން ވާނީ ﷲގެ މަގުގައެވެ.
3 Responses
kaloa heekuree islaam dheenakee kaabafainge faraathun vaaruthavaa mudhaa gandeh kamahtha manje thiyahuree hama hunnan vaagothah dhen konmehennakun ehen meehun ulhen v goyy kiyan noolhey
ތަޢުލީމީ ވަޒީރެއް ނޫން ޒިންމާނަގާނީ. ރައީސްމީހާ ބޭނުންވާގޮތަށް މިނިސްޓަރުގެ އެޖެންޑާ ބައްޓަންކޮށް ހިންގާނީ. ވީމާ އެމަންޖެއަށް ބެވުމުގެ ބޭނުމެއްނެތެވެ. އޭނާ އެކުރަނީ އޭނާގެ ބޮޑުން ބޭނުންވާގޮތަށެވެ. ޒިންމާ؟؟ ކޮންޒިންމާއެއް. ވަޒީފާ ދިއުމުން ދެން އެނިމުނީނޫންތޯއެވެ؟ މީގެ ކުރިންވެސް އެފަދަ ވަޒީފާ އަދާކުރި މީހުން އެ އުޅެނީއެވެ. ޒިންމާނެގި އެކަކުވެސް ފެނިއްޖެތޯއެވެ. ގައުމުވިއްކާލިޔަސް ޒިންމާ ނަގާކަށް ރާއްޖޭގައި ނުޖެހޭނެއެވެ.
މި ވަޒީރުގެ ހެދުން އެޅުން ހަމަ އެހާ ގޯސްތޯއެވެ. ރައީސް އިބޫގެ އަނބިކަނބަލުން ހެދުންވެސް އެބަފެނޭނޫންތޯއެވެ. ވީމާ މި ވަޒީރާ ތިހާ ދިމާކޮށްގެން އުޅުން އެހާ އިންސާފެއްނޫނެވެ. ތިއުޅޭ ޝިފާމެނަށްވުރެ އަންނިގެ އައު ލޯބިވެރިޔާއަށްވުރެ މާސާދާ މިބޭފުޅާގެ ހެދުންކޮޅު. ޒާތީވުމުގެ ބޭނުމެއްނެތެވެ. މިބޭފުޅާއަށް އެގޮތަށް ކަންތަަަައް ތަންފީޒްކުރަން އަންގާމީހާ ފަހަތުން ދުވެބަލާށެވެ.