އެޗްޕީއޭގެ ގައިޑްލައިނާ ހިލާފަށް ދެކުނު އޭޝިއާގެ ފަތުރުވެރިންނަށް ހިދުމަތް ދެމުން ދިޔަ ގެސްޓްހައުސް އެއްގެ ލައިސަންސް ޓޫރިޒަމް މިނިސްޓްރީން ސަސްޕެންޑް ކޮށްފި އެވެ.
ޓޫރިޒަމް މިނިސްޓްރީން ކުރި ޓުވީޓެއްގައި ބުނެފައި ވަނީ އެޗްޕީއޭ އާއި މިނިސްޓްރީން އެކުލަވައިލި ގައިޑްލައިނާ ހިލާފުވި މާލޭސަރަހައްދުގެ ގެސްޓް ހައުސްއެއްގެ ހުއްދަ ބާތިލު ކޮށްފައިވާ ކަމަށެވެ.
ނަމަވެސް އެއީ ކޮން ގެސްޓް ހައުސްއެއްކަމެއް އެގެސްޓް ހައުސްގައި ހިދުމަތްދިނީ ދެކުނު އޭޝިއާގެ ގޮންގައުމެއްގެ ފަތުރުވެރިންކަމެއް ޓޫރިޒަމް މިނިސްޓްރީން ހާމަ ކޮށްފައެއް ނުވެ އެވެ.
ގަވާއިދާ ހިލާފަށް ދެކުނު އޭޝިޔާގެ ފަތުރުވެރިންނަށް ހިދުމަތްދެމުން ދިޔަ ތިން ގެސްޓް ހައުސްއެއްގެ ހުއްދަ ޓޫރިޒަމް މިނިސްޓްރީން މި މަހުގެ 17 ވަނަ ދުވަހު ވެސް ވަނީ ބާތިލު ކޮށްފަ އެވެ.
އެމިނިސްޓްރީން ހާމަކުރައްވާގޮތުގައި އަދި އިތުރު ތިން ގެސްޓްހައުސް އަކަށް ވަނީ ގައިޑްލައިނާއި ހިލާފްވެގެން އިންޒާރު ދިނެވެ.
Ministry has decided to suspend another guest house in Greater Male' area for failing to comply with @HPA_MV and @MoTmv guidelines regarding accommodating tourists from South Asia. https://t.co/ODcTTJK8sn
— Ministry of Tourism (@MoTmv) July 18, 2021
ދެނުކު އޭޝިޔާގެ ފަތުރުވެރިންނަށް ރާއްޖޭގެ ބޯޑަރު ހުޅުވާލާފައި ވަނީ މި މަހުގެ 15 ގަ އެވެ. ރާއްޖެ އަންނަ ފަތުރުވެރިން، މީހުން ދިރިއުޅޭ ރަށްރަށާއި އެ ރަށްރަށުގެ ގެސްޓް ހައުސްތަކަށް ނުގެން ދެވޭނެ ކަމަށް ހެލްތު އެޗްޕީއޭއިން ވަނީ އަންގާފަ އެވެ.
އެޗްޕީއޭން ދެކުނު އޭޗިއާގެ ގައުމުތަކުން ރާއްޖެ އަންނަ ފަތުރުވެރިން ރާއްޖޭގެ މީހުން އުޅޭ ރަށްރަށަށް އެރުން މަނާކުރީ
އިންޑިއާގައި ކޮވިޑްހާލަތު ވަރަށް ބޮޑަށް ގޯސްވެފައި ވަނިކޮށް އިންޑިއާއިންނާއި ޕާކިސްތާނުގެ ގިނަ އަދަދެއްގެ ފަތުރުވެރިން ރާއްޖެ އައުމާއި ގުޅިގެން ގިނަ ބައެއްގެ ނުރުހުން ސަރުކާރަށް އަމާޒުވެފައި ވާ ދަނޑިވަޅެއްގައެވެ.
