ރާއްޖޭގެ އެކި ހިސާބަށް ވިއްސާރަކޮށް, ކަނޑުތައް ގަދަވާނެ ކަމަށް ލަފާކޮށްފި
ރާއްޖޭގެ އެކި ހިސާބަށް މިރޭ ވިއްސާރަކޮށް ބައެއް ރަށްތަކަށް ގުގުރުން އެކަށީގެންވާކަަމަށް މޫސުމާބެހޭ ގައުމީ އިދާރާއިން ބުނެފިއެވެ. މޫސުން ގޯސްވުމުގެ ސަބަބުން ހއ.އަތޮޅުން ފެށިގެން ބ.އަތޮޅަށް ވަނީ ހުދު ސަމާލު ވެސް ނެރެފައެވެ. ސަމާލު ނެރެފައިވަނީ މެންދަމު 2:00 އާ ހަމައަށެވެ. އެ އަތޮޅުތަކަށް ގަޑިއަކު 19 މޭލާއި 24 މޭލުގެ ބާރުމިނުގައި ވައިޖެހޭނެ ކަމަށާއި ވިލާގަނޑުގައި ގަޑިއަކު 40 މޭލަށް ވައި ގަދަވެ, ކަނޑުތައް ގަދަވާނެ ކަމަށް ވަނީ ލަފާކޮށްފައެވެ. މޫސުމާބެހޭ ގައުމީ އިދާރާއިން ލަފާކޮށްފައިވާ […]
ފުވައްމުލަކު ޒުވާނަކު ގެއްލިގެން ހޯދާތާ 7 ދުވަސް
ފުވައްމުލަކު ޒުވާނަކު ގެއްލިގެން ހޯދަން ފަށައިފިއެވެ. ގެއްލިގެން ހޯދަމުންދަނީ ޏ.ފުވައްމުލައް، ދިގުވާނޑު / އެފްރޯ އުމުރުން 24 އަހަރުގެ އަޙްމަދު ޢިޔާޝް ވަސީމެވެ. ފުލުހުން މިރޭ ބުނީ އާއިލާއަށް އޭނާގެ ޚަބަރެއްނުވެ ގެއްލިފައިވާ ކަމަށް ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ކުރަމުންދާ ކަމަށެވެ. އޭނާ އެންމެ ފަހުން ފެނިފައިވަނީ ޖޫން 14 ވަނަ ދުވަހު ކަމަށް އާއިލާއާ ހަވާލާދީ ފުލުހުން ބުންޏެވެ. ފުލުހުން ވަނީ ޢިޔާޝްގެ އެއްވެސް މައުލޫމާތެއް ލިބިފައިވާ ފަރާތެއްވާނަމަ ފުލުހުންގެ ހޮޓްލައިން 3322111 އަށް […]
މާލޭގެ މިސްކިތްތަކުން ވައްކަންކޮށްގެންް މިއަހަރު 21 މައްސަލަ ހުށަހަޅާފައިވޭ: ފުލުހުން
މާލޭގެ މިސްކިތްތަކުން ވައްކަންކޮށްގެންް މި އަހަރުގެ މިހާތަނަށް 21 މައްސަލަ ހުށަހަޅާފައިވާ ކަަމަށް ފުލުހުން މިއަދު ބުނެފިއެވެ. ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ މާލޭގެ މިސްކިތްތަކުން ވައްކަންކޮށްގެންް މި އަހަރުގެ މިހާތަނަށް 21 މައްސަލަ ހުށަހަޅާފައިވާއިރު, މި މައްސަލަތަކުގައި ހިމެނޭ 6 ފަންކާ، 2 ފޯނު އަދި ފެންމޯޓަރެއް ހޯދައި ހަވާލުކޮށްފައިވާ ކަމަށެވެ. މި މައްސަލަތަކުގެ ތެރޭގައި ދަރުމަވަންތަ މިސްކިތުގެ ފާރުގައި ހަރުކޮށްފައި ހުރި 2 ފަންކާ ވަގަށް ނެގި މައްސަލައެއް ވެސް ހިމެނެއެވެ. […]
ކުށްކުރުން އިތުރުވުން: ހައްޔަރުކުރާ ގިނަ މީހުންގެ ކުށުގެ ރެކޯޑް އުޅެނީ 50 އިން މަތީގައި
ފަހަކަށް އައިސް ވައްކަމާއި ފޭރުމުގެ މައްސަލަތައް ގިނަވެއްޖެއެވެ. މިފަދަ މައްސަލަތަކުގައި އާންމުކޮށް ހައްޔަރުކުރަނީ އާންމުކޮށް ކުށުގެ ވެށީގައި އުޅޭ މީހުންނެވެ. ކްރިމިނަލް ކޯޓުން އާންމުކޮށްފައިވާ މައުލޫމާތުތަކުން ދައްކާ ގޮތުން އެއިން ގިނަ މީހުންގެ ކުށުގެ ރެކޯޑް އުޅެނީ 50 މަތީގައެވެ. ބަންދާމެދު ގޮތެއް ނިންމުމަށް ކްރިމިނަލް ކޯޓަށް އިއްޔެ ހާޒިރުކުރި ގިނަ މީހުންނަކީ ވައްކަމުގެ މައްސަލަތަކުގައި ހައްޔަރުކޮށްފައިވާ މީހުންނެވެ. އޭގެތެރެއިން އެކެެއްގެ ކުށުގެ ރެކޯޑުގެ އަދަދަކީ 82 އެވެ. ދެން ހުރި މީހާގެ ކުށުގެ ރެކޯޑު އުޅެނީ […]
ލަދުވެތިކަމަކީ އީމާންތެރިކަމުގެ ތެރެއިންވާ ކަމެއް: ޚުތުބާ
ލަދުވެތިކަމަކީ އީމާންތެރިކަމުގެ ތެރެއިންވާ ކަމެއް ކަމަށް މިއަދުގެ ހުކުރު ޚުތުބާގައި ބުނެފިއެވެ. ޚުތުބާގައި ބުނީ އިސްލާމްދީނަކީ ހުރިހައި ފުރިހަަމަކަމަާއި ރިވެތިކަމެއް އެކުލެވިގެންވާ ދިރިއުޅުމުގެ އެންމެ ފުރިހަމަ ނިޒާމު ކަމަށާއި މަތިވެރި އަޚުލާގުގެ ހުރިހައި ސިފަޔަކަށް މި ދީން މަގުދައްކާ ކަމަށެވެ. އެގޮތުން ލަދުވެތިކަމާއި އިއްފަތްތެރިކަމަކީ އިސްލާމްދީނުގައި ވަރަށް ބޮޑަށް ބާރުއަޅުއްވައިފައިވާ މަތިވެރި ދެ ސިފަ ކަމަށާއި ލަދުވެތިކަމަކީ އަބުރުގެއްލޭފަދަ ކަމެއް ކުރުމަށް ޖެހިލުންވުން ނުވަތަ އެހެން މީހުންނަށް ފާޅުކުރާން ނުކެރޭ ވަކި ސިފައެއް ވަކި ކަމެއް އެހެން […]
ޔޯގާ ޑޭ: ސިއްރު ސިއްރުން ކުޅިގަނޑު ބާއްވައި ނިންމައި ފޮޓޯތައް އާންމުކޮށްފި
ރާއްޖޭގައި “އިންޓަރނޭޝަނަލް ޔޯގާ ޑޭ“ ފާހަގަކުރަމުން ދަނިކޮށް އެކަމާ ދެކޮޅަށް ގިނަ ބަޔަކު ނުކުމެ އަޑުއުފުލައި އެތައް ހަމަނުޖެހުމެއް ހިނގައި ދިޔައީ 2022 ގައެވެ. ގަލޮޅު ދަނޑުގައި ޔޯގާ ހަރަކާތް ބޭއްވި ވަގުތު އެތަނުގައި ހިނގި ހަމަނުޖެހުންތަކާ ގުޅިގެން ޖުމްލަ 18 މީހުންނަށް ދައުލަތުން ދައުވާ ވެސް އުފުލިއެވެ. ދައުވާ އުފުލި މީހުންގެ ތެރޭގައި ޝައިޚު ފަޟްލޫން މުޙައްމަދާއި، ޝައިޚް އާދަމް ނިޝާން ވެސް ހިމެނެއެވެ. އެ ހާދިސާއާ ގުޅުވައި ގިނަ ބައެއްގެ މައްޗަށް ޓެރަރިޒަމް ގެ […]
ސަމާލު! އެމްޕީއެލްގެ ސީއީއޯގެ ނަމުގައި ފޭކް އައިިޑީއެއް ހަދައި އެކި ފަރާތްތަކަށް މެސެޖުކުރަނީ
މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ސީއީއޯގެ ނަމުގައި ހަދާފައިވާ ފޭކް ފޭސްބުކް އައިިޑީއަކުން އެކި މީސްމީހުންނަށް މެސެޖުކުރަމުންދާތީ ސަމާލުވުމަށް އެ ކުންފުނިން މިއަދު އެދިއްޖެއެވެ. އެމްޕީއެލްއިން މިކަމަށް އެދުނީ ފޭސްބުކްގައި ކުރި ޕޯސްޓެއްގައެވެ. އެ ކުންފުނިން ބުނީ ކުންފުނީގެ ސީއީއޯ މުޙައްމަދު ވަޖީހު އިބްރާހީމްގެ ނަމުގައި ފޭކް ފޭސްބުކް އެކައުންޓެއް ހަދައި، އެ އެކައުންޓް މެދުވެރިކޮށް އެކި ފަރާތްތަކަށް މެސެޖު ކުރަމުންދާ ކަމަށެވެ. “ވީމާ މިކަމަށް ހުރިހާ ފަރާތްތަކުން ވެސް ސަމާލުވުމަށް އެދެން.“ ޕޯސްޓުގައި އެދިފައިވެއެވެ. […]
ކުށުގެ ޒިންމާ އުފުލަންޖެހޭ އުމުރު ދަށްކުރުމަކީ ހައްލެއް ނޫން: ޕީޖީ
ކުށްކުރާ ކުޑަކުދިންގެ މައްސަލައިގައި ހައްލަކީ އުމުރު ދަށްކުރުމެއް ނޫން ކަމަށާއި މާހައުލު ބަދަލުކުރުން ކަމަށް ޕްރޮސެކިއުޓާ ޖެނެރަލް ޙުސައިން ޝަމީމް ވިދާޅުވެއްޖެއެވެ. ޕީޖީ އާންމު ކުރެއްވި ލިޔުމެއްގައި ވިދާޅުވެފައިވަނީ ކުށްކުރާ ކުޑަކުދިންގެ މައްސަލައަކީ ދިވެހިރާއްޖޭގެ ޖިނާއީ އަދުލުގެ ނިޒާމުގައި އަދި ހައްލެއް ހޯދިފައިނުވާ މައްސަލައެއް ކަމަށާއި ގާނޫނު އޮތް ނަމަވެސް ގާނޫނު ތަންފީޒުކުރުމުގެ ދާއިރާއިން ކާމިޔާބަކާ ގާތަށް ވެސް އަދި ނުދެވޭ ކަމަށެވެ. ޝަމީމް ވިދާޅުވި ގޮތުން ފުލުހުންގެ ތަހުގީގީ ދާއިރާއާއި ސަރުކާރުގެ ބައެއް މީހުން ދެކެނީ […]
ސަފީރު ގީލާގެ ސަފީރުކަމުގެ ފަތްކޮޅު، ބެލްޖިއަމްގެ ރަސްގެފާނަށް އަރުވައިފި
ބެލްޖިއަމަށް ދިވެހިރާއްޖެއިން ކަނޑައެޅުއްވި އާ ސަފީރު، ގީލާ ޢަލީ، އެކަމަނާގެ ސަފީރުކަމުގެ ފަތްކޮޅު، ބެލްޖިއަމްގެ ރަސްގެފާނު ފިލިޕްއަށް އަރުވައިފިއެވެ. ސަފީރު ގީލާ ޢަލީ، އެކަމަނާގެ ސަފީރުކަމުގެ ފަތްކޮޅު އެރުވީބްރަސެލްސްގެ ޗެޓޫ ޑި ލެކެންގައި މިއަދު ބޭއްވި ރަސްމިއްޔާތެއްގައެވެ. މި ރަސްމިއްޔާތަށްފަހު ބޭއްވި ބައްދަލުކުރެއްވުމުގައި ރަސްގެފާނު ފިލިޕް ވަނީ ސަފީރު ގީލާއަށް މަރުހަބާ ދަންނަވައި ބެލްޖިއަމަށް ދިވެހިރާއްޖެއިން ކަނޑައަޅުއްވާފައި ހުންނަވާ ސަފީރުކަމުގެ މަސްއޫލިއްޔަތުތަކާ ހަވާލުވެވަޑައިގަތުމުން އެކަމަނާއަށް މަރުހަބާ ދަންނަވައިފައެވެ. ސަފީރު ގީލާ ވަނީ އެކަމަނާއަށް ދެއްވި ހޫނު މަރުހަބާއަށް […]
ބުރިޖު ހެދުމުގެ މަސައްކަތް ކުރަމުން ދަނިކޮށް ބިދޭސީއަކު މަރުވި މައްސަލަ ބަލަނީ
ތިލަމާލެ ބުރިޖު ހެދުމުގެ މަސައްކަތް ކުރަމުން ދަނިކޮށް ބިދޭސީއަކު މަރުވި މައްސަލަ ބަލަން ފަށައިފިއެވެ. މި ބިދޭސީ މީހާ މަރުވީ މިދިޔަ ހޯމަ ދުވަހުގެރޭގައެވެ. ކޮންސްޓްރަކްޝަން މިނިސްޓްރީން ބުނީ މިދިޔަ ހޯމަދުވަހުގެރޭ ތިލަމާލެ ބުރިޖު ސައިޓުގައި މަސައްކަތް ކުރަމުންދިޔަ އިންޑިއާގެ ރައްޔިތެއް ނިޔާވެފައިވާ ކަމަށެވެ. އަދި ކޮންޓްރެކްޓަރާއި ކަމާބެހޭ ފަރާތްތަކާ ގުޅިގެން މި ހާދިސާ ތަހުގީގު ކުރަމުންދާ ކަމަށެވެ. މިނިސްޓްރީން ބުނީ ސިނަމާލެ ބްރިޖު މަރާމާތް ކުރުމުގެ މަސައްކަތުގައި އުޅުނު މީހަކު މަރުވި ކަމަށް ބައެއް ނޫސްތަކުގައި […]
