ވައްކަމުގެ މައްސަލަތައް ރިޕޯޓުކުރި މިންވަރު އިތުރުވެއްޖެ
މިދިޔަ ނޮވެންބަރު މަހު އެންމެ ގިނައިން ރިޕޯޓުކޮށްފައިވަނީ ވައްކަމާއި، އެކްސިޑެންޓުގެ މައްސަލަ ކަމަށް ފުލުހުންގެ ޚިދުމަތުގެ ތަފާސްހިސާބުތަކުން ދައްކައިފިއެވެ. ފުލުހުން އާންމުކޮށްފައިވަާ ހިސާބުތަކުން ދައްކާ ގޮތުން، މިދިޔަ މަހު އެ އިދާރާއަށް 989 މައްސަލައެއް ރިޕޯޓުކޮށްފައިވެއެވެ. އޭގެތެރެއިން އެންމެ ގިނައީ ވައްކަމުގެ މައްސަލައެވެ. ވައްކަމުގެ 310 މައްސަލައެއް ރިޕޯޓުކޮށްފައިވާ ކަމަށް ފުލުހުންގެ ތަފާސްހިސާބުތަކުން ދައްކައެވެ. ދެވަނައަށް އެންމެ ގިނައިން ހުށަހަޅާފައިވަނީ އެކްސިޑެންޓުގެ މައްސަލައެވެ. އެގޮތުން އެކްސިޑެންޓުގެ 236 މައްސަލަ ހުށަހަޅާފައިވެއެވެ. އެކްސިޑެންޓުގެ މައްސަލަތައް ގިނަވެފައިވާއިރު، ބައެއް އެކްސިޑެންޓުތަކުގައި […]
ދެކުނުގެ ރަށެއްގައި ދަރިވަރުންނަށް ޖިންސީ ގޯނާކުރި ކަމަށް ތުހުމަތުކުރެވޭ ޓީޗަރުގެ މައްސަލަ ޕީޖީއަށް
ދެކުނުގެ ރަށެއްގައި ސްކޫލުގެ ދަރިވަރުންތަކެއް ގްރޫމްކޮށްގެން ޖިންސީ ގޯނާކުރި ކަމަށް ތުހުމަތުކުރެވޭ މައްސަލައެއްގައި ތުހުމަތުކުރެވޭ ޓީޗަރުގެ މައްސަލަ ޕްރޮސެކިއުޓާ ޖެނެރަލްގެ އޮފީހަށް ފޮނުވައިފިއެވެ. ދެކުނުގެ ރަށެއްގައި ފިރިހެން ޓީޗަރަކު ދަރިވަރުންގެ އުމުރާ ނުގުޅޭ ވާހަކަދައްކައި ގްރޫމްކުރި ކަމަށް ތުހުމަތުކުރެވޭ މައްސަލަ ފުލުހުންނަށް ރިޕޯޓުކޮށްފައިވަނީ މިދިޔަ އޮކްޓޫބަރު 17 ގައެވެ. ފުލުހުންގެ ޚިދުމަތުން މިއަދު މީޑިއާތަކާ ހިއްސާކުރި މެސެޖެއްގައި ބުނެފައިވަނީ މި މައްސަލައާ ގުޅިގެން 29 އަހަރުގެ ދިވެހި ފިރިހެނަކު އޮކްޓޫބަރު 27 ވަނަ ދުވަހު ކޯޓު އަމުރެއްގެ […]
މަންމައަށް އަނިޔާކޮށް، މާރާމާރީ ހިންގި މީހާގެ ބަންދުގެ މުއްދަތު އިތުރުކޮށްފި
މަންމައަށް އަނިޔާކޮށް، މާރާމާރީ ހިންގި މީހާގެ ބަންދުގެ މުއްދަތު އިތުރުކޮށްފިއެވެ. މި މައްސަލާގައި ހައްޔަރުކޮށްފައިވަނީ މ.ހުވަދުގަދަކޯޅިގެ އިބްރާހިމް ނިޒާމް (40 އ) އެވެ. މި މައްސަލާގައި އޭނާގެ ބަންދަށް މީގެކުރިން ޖެހީ ހަތް ދުވަހެވެ. އޭނާގެ ބަންދާމެދު ގޮތެއް ނިންމުމަށް އިއްޔެ ކްރިމިނަލް ކޯޓަށް ހާޒިރުކުރުމުން ވަނީ އިތުރު 8 ދުވަހަށް ބަންދުކުރަން އަމުރުކޮށްފައެވެ. ކޯޓުން ނެރުނު އަމުރުގައި ބުނެފައިވަނީ ފެމިލީ ކޯޓުން ނެރެފައިވާ ގެވެށި އަނިޔާއިން ރައްކާތެރިކުރުމުގެ އަމުރަކާ ޚިލާފަށް އޭނާގެ މަންމަ އަތުން ގަދަކަމުން […]
މާލޭ ގެއެއްގެ ތެރޭގައި މަރުވެފައި އޮތް މީހަކު ފެނިއްޖެ
މާލޭ ގެއެއްގެ ތެރެއިން މަރުވެފައި އޮތް މީހަކު ފެނިއްޖެއެވެ. ފުލުހުން ބުނީ މަރުވެފައި އޮތް މީހަކު ފެނިފައިވަނީ މއ.ހުދުއަކިރި ގެއިންނެވެ. މިއަދުގެ ވަގުތެއްގައި މަރުވެފައި އޮއްވާ ފެނިފައިވަނީ އެ ގޭގެ މީހެއް ކަމަށްވާ އުމުރުން 53 އަހަރުގެ ޢަބްދު ﷲ ޙަސަނެވެ. އޭނާގެ ހަށިގަނޑުގެ ބޭރުފުށުން އެއްވެސް އަނިޔާއެއް ފެންނަން ނެތް ކަމަށް ހޮސްޕިޓަލާ ހަވާލާދީ ފުލުހުން ވަނީ ބުނެފައެވެ. ފުލުހުން ބުނީ އޭނާ ހޮސްޕިޓަލަށް ގެންދިޔައިރު ވެސް ނިޔާވެފައިވާ ކަމަށާއި، މައްސަލަ ތަހުގީގުކުރަމުންދާ ކަމަށެވެ.
ވަގުން ތިބީ ހިމާޔަތާއި، ސަލާމަތާއި ރައްކާތެރިކަމުގައި، އެ މީހުންނާ ގާނޫނު އަރާ ހަމަކުރަންޖެހޭ: ޢައްބާސް
ރާއްޖެއަށް މަލްޓި ޕާޓީ ސިސްޓަމް އައުމާ ހިސާބުން ފެށިގެން ސަރުކާރުތަކުން އައީ ވައްކަން ކުރަމުން ކަމަށާއި، ވައްކަން ކުރި މީހުން ތިބީ ހިމާޔަތާއި، ސަލާމަތާއި ރައްކާތެރިކަމުގައި ކަމަށް ވެލިދޫ ދާއިރާގެ މެންބަރު މުޙައްމަދު ޢައްބާސް މިއަދު ވިދާޅުވެއްޖެއެވެ. ރައްޔިތުންގެ މަޖިލީހުގެ މިއަދުގެ ޖަލްސާގައި ކޮޕީރައިޓާއި އެއާ ގުޅޭ އެހެނިހެން ހައްގުތަކުގެ ގާނޫނަށް އިސްލާހު ގެނައުމުގެ ބިލު، އިގުތިސާދީ ކޮމިޓީން ނިންމި ގޮތުގެ ރިޕޯޓަށް ބަހުސްކުރައްވަމުން ޢައްބާސް ވިދާޅުވީ ނިމިދިޔަ ސަރުކާރުން ކޮށްފަ ހުރި ވައްކަންތަކާއި ޖަރީމާތައް ބޮޑުކަމުން […]
ޔޫއެސް ޑޮލަރު ދޫކޮށްލާ ގައުމުތަކުން 100 ޕަސެންޓް ޓެރިފް އާ ކުރިމަތިލާންޖެހޭނެ: ޓްރަމްޕް
ދޭދޭ ގައުމުތަކުގެ މެދުގައި ކުރެވޭ ވިޔަފާރީގެ މުއާމަލާތު ތަކުގައި ޔޫއެސް ޑޮލަރުގެ ބަދަލުގައި އެގައުމެއްގެ ފައިސާއިން އަގުއަދާކުރާގޮތަށް ހަމަޖައްސާ ގައުމު ތަކުން، އެމެރިކާގެ 100 ޕަސެންޓް ޓެރިފް އާއި ކުރިމަތިލާން ޖެހޭނެ ކަމަށް ވިދާޅުވެ ޑޮނަލްޑް ޓްރަމްޕް ވަރުގަދަ އިންޒާރެއް ދެއްވައިފިއެވެ. އިންޑިޔާއާއި އެހެންވެސް ”ބްރިކްސް“ ޖަމާއަތުގައި ހިމެނޭ ގައުމު ތަކުން ދަނީ ބްރިކްސްގެ ފައިސާއެއް އުފެއްދުމަށް ނުވަތަ އެގައުމެއްގެ އަމިއްލަ ފައިސާއިން އަގުދެއްކޭ ގޮތަށް ހަމަޖެހޭތޯ މަސައްކަތް ކުރަމުންނެވެ. ބްރިކްސް ޖަމާއަތުގައި ހިމެނޭ ގައުމު ތަކަކީ […]
ސަރުކާރާ މެދު ހިތްހަމަނުޖެހުން އޮތްކަން ހާމަކުރުމަކީ ބޮޑު ކުށަކަށް މިއަދު ވެއްޖެ: ފައްޔާޟް
ސަރުކާރާ މެދު ހިތްހަމަނުޖެހުން އޮތްކަން ހާމަކުރުމަކީ ބޮޑު ކުށަކަށް މިއަދު ވެއްޖެކަމަށް އެމްޑީޕީގެ ޗެއާޕާސަން ފައްޔާޟް އިސްމާޢީލް މިއަދު ވިދާޅުވެއްޖެއެވެ. ފައްޔާޟް މިހެން ވިދާޅުވީ އެމްޑީޕީގެ އެކްޓިވިސްޓެއް ކަމަށްވާ ހއ.ތުރާކުނު، ނިޔަދުރުމާގެ، ޙުސައިން ޝާފިޢު (ތުއްތު)، ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަނަށް ހާޒިރުވާން އަންގައި ދިވެހި ފުލުހުންގެ ޚިދުމަތުން ފޮނުވާފައިވާ ޗިޓާ ގުޅިގެން އެކްސްގައި ކުރެއްވި ޕޯސްޓެއްގައެވެ. ފައްޔާޟް ވިދާޅުވީ ޓްވީޓު ކުރާތީ ފުލުސް އޮފީހަށް ހާޒިރުވާން ޝާފިއު (ތުއްތު) އަށް އަންގައިފި ކަމަށާއި، ރައީސުލްޖުމްހޫރިއްޔާއާއި […]
އާޓިފިޝަލް ބީޗު ކައިރިން މަގުމައްޗަށް ވެއްޓުނު މީހަކަށް ފަރުވާދެމުން ދަނިކޮށް ނިޔާވެއްޖެ
އާޓިފިޝަލް ބީޗު ކައިރިން މަގުމައްޗަށް ވެއްޓުނު މީހަކަށް ފަރުވާދެމުން ދަނިކޮށް ނިޔާވެއްޖެއެވެ. ފުލުހުން ދެންމެ ބުނީ މިއަދު 8:56 ހާއިރު އާޓިފިޝަލް ބީޗު ކައިރިން މަގުމައްޗަށް ވެއްޓުނު މީހަކު، ފުލުހުން އެޓެންޑްވެ ހޮސްޕިޓަލަށް ގެންގޮސްފައިވާ ކަމަށެވެ. ފުލުހުން ބުނީ އޭޑީކޭގައި ފަރުވާދެމުން ދަނިކޮށް އެ މީހާ ނިޔާވެފައިވާ ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށެވެ. ނިޔާވެފައިވަނީ ސ.ހިތަދޫ/ސޯސަންގެ އަޙްމަދު ޝަރީފް (53 އ) އެވެ. ފުލުހުން ބުނީ މި ހާދިސާއާ ގުޅިގެން ބަލަންޖެހޭ ކަންކަން ބަލަމުންދާ […]
އަންހެނެއްގެ ފޭސްބުކް އެކައުންޓް ހެކްކޮށްގެން، މީހުންގެ އަތުން ފައިސާ ހޯދަމުންދިޔަ މައްސަލައެއް ބަލަނީ
އަންހެނެއްގެ ފޭސްބުކް އެކައުންޓް ހެކްކޮށްގެން، އެ އަންހެން މީހާގެ ނަމުގައި އެހެން މީހުންގެ އަތުން ފައިސާ ހޯދަމުންދިޔަ މައްސަލައެއް ބަލަމުންދާ ކަމަށް ފުލުހުން ބުނެފިއެވެ. ފުލުހުން މިހެން ބުނީ މިއަދު މީޑިއާތަކާ ހިއްސާކުރި މެސެޖެއްގައެވެ. އެ މެސެޖުގައި ބުނެފައިވަނީ އަންހެނެއްގެ ފޭސްބުކް އެކައުންޓް ހެކްކޮށްގެން އެ އަންހެން މީހާގެ ނަމުގައި އެހެން މީހުންގެ އަތުން ފައިިސާ ހޯދަމުންދާ މައްސަލައެއް މި މަހުގެ 27 ގައި ރިޕޯޓުކޮށްފައިވާ ކަމަށެވެ. އެހެންވެ މި މައްސަލަ ތަހުގީގުކުރަމުންދާ ކަމަށް ފުލުހުން ބުންޏެވެ. […]
ކުޑަ ކުއްޖަކަށް ޖިންސީ ގޯނާކުރިކަމުގެ ތުހުމަތުގައި މީހަކު ހައްޔަރުކޮށްފި
ކުޑަ ކުއްޖަކަށް ޖިންސީ ގޯނާކުރިކަމުގެ ތުހުމަތުގައި މީހަކު ހައްޔަރުކޮށްފިއެވެ. ފުލުހުން މިއަދު ބުނީ މިކަން ހިނގީ ސައުތު ސެންޓްރަލް ޕޮލިސް (މ، ފ، ދ، ތ، ލ) ގައި ހިމެނޭ ރަށެއްގައި 10 އަހަރުގެ އަންހެން ކުއްޖަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލައެއް އިއްޔެ ރިޕޯޓުކޮށްފައިވާ ކަމަށެވެ. އަދި މި މައްސަލާގައި މީހަކު ހައްޔަރުކޮށްފައިވާ ކަމަށް ފުލުހުން ބުންޏެވެ. ފުލުހުން ބުނީ މި މައްސަލައާ ގުޅިގެން ހައްޔަރުކުރީ އުމުރުން 51 އަހަރުގެ ދިވެހި ފިރިހެނެއް ކަމަށާއި، […]
