ދިވެހިރާއްޖޭގެ ފަތުރުވެރިކަމުގެ ދާއިރާގައި އެންމެ އިސް ކުންފުނިތަކުގެ ތެރޭގައި ހިމެނޭ ޔުނިވަރސަލް ކުންފުނިން ތިން ދިވެހި ޑޮކްޓަރުންނަށް ޚާއްޞަ ސްކޮލަރޝިޕްތަކެއް ދީފިއެވެ. މި ސްކޮލަރޝިޕްތައް ލިބުނު ޑޮކްޓަރުންނަކީ:

1. ޑރ. ފާޠިމަ މިސްފާ ނަސީމް – ކުޑަކުދިންގެ ބަލިތަކުގެ ޚާއްސަ ދާއިރާއިން މާސްޓަރ ޑިގްރީ
2. ޑރ. ނަހާ އަބްދުއްރަހްމާން – ކަރުން މަތީގެ ޚާއްސަ ދާއިރާއިން މާސްޓަރ ޑިގްރީ
3. ޑރ. އައިމީނަތު ނަޖުދާ – އޮޕަރޭޝަން ކުރުމުގެ ދާއިރާއިން ޑިގްރީ

މި ސްކޮލަރޝިޕްތައް ހަވާލުކުރެވުނީ ޔުނިވަރސަލް ކުންފުނީގައި ބޭއްވި ޚާއްޞަ ރަސްމިއްޔާތެއްގައެވެ. ސްކޮލަރޝިޕް ލިބުނު ތިން ޑޮކްޓަރުންވެސް ސްކޮލަރޝިޕް ފުރިހަމަ ކުރާނީ މެލޭޝިޔާގައެވެ.

ޔުނިވަރސަލް ފައުންޑޭޝަން އުފެއްދުމުން ފެށިގެން މި ފައުންޑޭޝަނުން ދިވެހިރާއްޖޭގެ ތަޢުލީމާއި ސިއްޙަތުގެ ދާއިރާ ކުރިއެރުވުމަށް ބޮޑެތި މަސައްކަތްތަކެއް ކޮށްފައިވެއެވެ. ޔުނިވަރސަލް އެންޓަރޕްރައިސަސްގެ ފަރާތުން މިއަދާ ހަމައަށް ޖުމްލަ 121 ސްކޮލަރޝިޕްތައް ދިވެހި ދަރިވަރުންނަށް ދީފައިވެއެވެ. މިހާރުވެސް 15 ދަރިވަރުން ބޭރުގެ ޤައުމުތަކުގައި ތައުލީމު ހާސިލުކުރަމުން ގެންދެއެވެ.

ތައުލީމީ ދާއިރާއާ ގުޅިގެން މަސައްކަތް ކުރުމުގެ އިތުރުން ޔުނިވަރސަލް ފައުންޑޭޝަން ތަރައްޤީއާ ގުޅުންހުރި އެކި ޕްރޮޖެކްޓުތަކާއި ކޮމިއުނިޓީ ޕްރޮގްރާމްތަކުގައިވެސް މުހިއްމު ދައުރެއް އަދާކޮށްފައިވެއެވެ.