ކުރިއަށް ހުރި އަހަރުތަކުގައި ސަރުކާރުގެ ހަރަދުގައި ފަގީރުން ހައްޖަށް ފޮނުވާނެ ގޮތަކާ މެދު މަޝްވަރާކޮށްގެން ގޮތެއް ނިންމަވާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ރައީސް ޑރ. މުހައްމަދު މުއިއްޒުގެ ވައުދުފުޅާ އެއްގޮތަށް މިއަހަރު ވަނީ 50 ފަގީރުން ހައްޖަށް ފޮނުވާފަ އެވެ.
އެތައް ބަޔަކު ހައްޖަށް ދިއުމަށް ފައިސާ ދައްކައިގެން ކިޔޫގައި ތިއްބައި ހައްޖު ވާޖިބު ނުވާ ބަޔަކު، ސަރުކާރު ހަރަދުގައި ހައްޖަށް ފޮނުވުމުން ގިނަ ބައެއްގެ ފާޑުކިޔުން ސަރުކާރަށް ވަނީ އަމާޒުވެފައެވެ.
ޕީއެސްއެމް ނިއުސްގެ ”ރާއްޖެ މިއަދު“ ޕްރޮގްރާމުގައި މިނިސްޓަރު، ރޭ ވިދާޅުވީ އާންމުން ފާޅުކުރި ހިޔާލުތަކާމެދު ގޮތެއް ނިންމަވާނެ ކަމަށެވެ.
”އަޅުގަނޑުމެން އެކަމާ ގުޅޭ ގޮތުން މަޝްވަރާ ކުރަމުން މިދަނީ ކުރިއަށް އޮތް އަހަރުތަކުގަ ކިހިނެއްތޯ އެކަން ކުރިއަށް ގެންދާނީ، ރައީސްގެ ވައުދުގެ ދަށުން ހޮވޭ މީހުން ސީދާ ކިޔޫއަށް ފޮނުވާނީތޯ، މީހަމަ މަޝްވަރާ ކުރެވިދާނެ ކަމެއްގެ ގޮތުގަ އަޅުގަނޑު ދެކެން،“ މިނިސްޓަރު ވިދާޅުވި އެވެ.
މިނިސްޓަރު ވިދާޅުވީ ފަގީރުން މިއަހަރު ހައްޖަށް ގެންދިޔައީ ސަރުކާރަށް ލިބިފައިވާ ކޯޓާގައި ކަމަށެވެ.
ސަރުކާރުން މިއަހަރު ވަނީ ފަގީރުންގެ ދަފްތަރުގައި ތިބި މީހުންގެ ތެރެއިން 50 މީހުން ގުރުއަތު ނަގާފަ އެވެ. އެމީހުން ހައްޖަށް ގެންގޮސްފައި ވަނީ މި ސަރުކާރުން އުފެއްދި ޒަކާތު ހައުސްގެ ފައިސާ އިންނެވެ.
2 Responses
Thivaahaka nudhakkaa ihah fageerunnah dheyn jehey mudhalu zakaai bahaa Bala. E rf nudhee thiulheny keevvegentho. Komme aharaku libemun ahna ehcheh mifaharu nudhevigen ulheny eygen rf beynun kurevuneematho?
ކޮބާތޯ ޢަރަބިން؟ ޢަރަބިން ކައިގެން ތިބިއްޔާ ކައިގެން ތިބޭނީ، މިއައީ ސަޢޫދީ އެމްބަސީން. އެބޭފުޅުން ގެރެންޓީދެއްވާ! ޢަރަބި ތެޔޮހޮޅިތައް ގާދޫކޮލާ ހަމައިގާ އޮންނާނީ. އެއްވެސް ދައްޗެއް ތަދެއް ދިވެހީންނަކަށް ނޯންނާނެ. އިބޫ ޗޯރަށް ވޯޓްނުދީ އަޅުގަނޑު މެނަށް ވޯޓްދެއްވާ! ރައީސް ޔާމީން އެންޑޯޒް ކުރެއްވި ކެންޑިޑޭޓް ޑރ. މުއިއްޒުއަށް ވޯޓްދެއްވާ. މިބަދަލު ގެނެސް ދެއްވާޤ! ކުރިއަށް އޮތީ ފާގަތި ދުވަސްތަކެއް. – ޑރ. ޝަހީމް، ޕީޕީއެމް ކެމްޕޭނުގައި – ކޮބާ ކިހިނެއްތޯ މިވަނީ ޝަހީމޫ!!