ރަޝިއާ-ޔޫކްރެއިން ހަނގުރާމާގައި ޔޫކޭގެ ފުރަތަމަ ޝެޑޯ މިސައިލް ނައްތާލާފައިވާކަން ރަޝިއާއިން ހާމަކޮށްފިއެވެ
ރަޝިއާ-ޔޫކްރެއިން ހަނގުރާމައިގެ މައްސަލައާއި ގުޅިގެން ދިން ބަސްދީ ގަތުމެއްގައި ރަޝިއާގެ ޑިފެންސް މިނިސްޓްރީއިން ބުނެފައިވަނީ އެ ގައުމުން މިހާތަނަށް ކްރޫސް މިސައިލުތަކުގެ އިތުރުން، އެމެރިކާގެ އުފެއްދުމެއް ކަމަށްވާ ކުރު ރޭންޖުގެ ”ހައިމާރސް“ ރޮކެޓު ލޯންޗަރުން ދޫކުރި ”ހާރމް“ މިސައިލްތައް ވެސް ވައިގެތެރެއިން ނައްތާލާފައިވާނެ ކަމަށެވެ.
ރަޝިއާ-ޔޫކްރެއިން ހަނގުރާމާގައި އެމެރިކާއާއި އިނގިރޭސިވިލާތުން ދަނީ ޔޫކްރެއިންގެ ދިފާޢީ ބާރަށް ވާގިވެރިވުމަށް އެތައް މަސައްކަތެއް ކުރަމުންނެވެ. އެގޮތުން، ޔޫކްރެއިނުގެ ސިފައިންނަށް އެތައް ބިލިއަން ޑޮލަރުގެ އަސްކަރީ ހަތިޔާރު ހަދިޔާކުރުމަށްފަހު ވެސް ރަޝިއާއާއި ދެކޮޅަށް އެގައުމަށް ކުރިއެރުމެއް ހޯދިފައެއް ނުވެއެވެ.
ދުނިޔޭގެ އެހެން ގައުމުތަކެކޭ ވެސް އެއްފަދައިން އެމެރިކާއާއި އިނގިރޭސިވިލާތުގައި ވެސް ތަކެތީގެ އަގުތައް އިންތިހާއަށް ބޮޑުވެފައިވާ މި ދަނޑިވަޅުގައި އެމެރިކާ އަދި އިނގިރޭސިވިލާތުގެ ސަރުކާރުތަކުން ރަޝިއާ-ޔޫކްރެއިން ހަނގުރާމާގައި އަމަލީ ގޮތުން ބައިވެރިވަމުންދާތީ އެ ދެގައުމުގެ ރައްޔިތުން ދަނީ ކަންބޮޑުވުން ފާޅުކުރަމުންނެވެ.
