ހދ. ނޮޅިވަރަމްގައި މޫދަށް އެރި އުޅެނިކޮށް އުމުރުން ދުވަސްވީ މީހަކު ނިޔާވެއްޖެއެވެ.

މި ހާދިސާގައި ނިޔާވެފައި ވަނީ 65 އަހަރުގެ ދިވެހި ފިރިހެނެކެވެ.

ފުލުހުން މިރޭ ބުނީ އުމުރުން ދުވަސްވީ މީހަކު މިއަދުގެ 11:30 ހާއިރު މަސްގަންނަން ދިޔަފަހުން ހަބަރެއް ނުވެގެން ހަވީރު 17:45 ހާއިރު ފުލުހުންނަށް ރިޕޯޓުކޮށްފައި ވާކަމަށެވެ.

އެގޮތުން އޭނާ ހޯދަމުންދަނިކޮށް ފެނިފައި ވަނީ ނޮޅިވަރަމްގެ އޮޑިއެހެލާ ސަރަހައްދުގެ މޫދުގައި ނިޔާވެފައި އޮއްވާކަމަށް ފުލުހުން ވަނީ ބުނެފައެވެ.

ފުލުުހުން ބުނީ މި މައްސަލަ ތަހުގީގުކުރަމުން ދާކަމަށެވެ.