ހުޅުމާލޭ ހޮސްޕިޓަލުގައި ތަރައްޤީކުރި 14 އެނދުގެ އިމަރޖެންސީ ރޫމްގެ މަސައްކަތް ނިމި ޚިދުމަތްފަށަން ތައްޔާރުވެއްޖެއެވެ.
ދައުލަތުގެ މީޑިއާއަށް މަޢުލޫމާތު ދެއްވަމުން، ހުޅުމާލޭ ހޮސްޕިޓަލުގެ ޑިރެކްޓަރ ޖެނެރަލް، މޫސާ ކަލީމް ޤާސިމް ވިދާޅުވީ، ހޮސްޕިޓަލުގެ އިމަރޖެންސީ ވޯޑުގެ އެނދުތައް މަދުވުމުގެ ސަބަބުން ހޮސްޕިޓަލަށް ކުއްލި ފަރުވާ ހޯދުމަށްދާ ފަރާތްތައް އެހެން ހޮސްޕިޓަލުތަކަށް ފޮނުވާލަން ޖެހިފައިވާ ކަމަށެވެ.
ނަމަވެސް އަލަށް ތަރައްޤީކުރި އިމަޖެންސީ ރޫމުގެ މަސައްކަތް ނިމި މިހަފްތާގެ ތެރޭގައި އެއްކޮށް ނިންމާ ޚިދުމަތްދޭން ފަށަން ތައްޔާރުވެފައިވާ ކަމަށް އޭނާ ވިދާޅުވިއެވެ. މީގެ އިތުރުން މިހާރު އެނދުތައްވެސް ގެނެސް އެހެން ތަކެއްޗާއެކު އިންސްޓޯލްކުރުމުގެ މަސައްކަތް ކުރަމުން އަންނަ ކަމަށް ކަލީމް ވިދާޅުވިއެވެ.
އެ ހޮސްޕިޓަލުގައި އަލަށް ތަރައްޤީ ކުރި އިމަޖެންސީ ރޫމުގައި 14 އެނދު ހުންނާނެ ކަމަށް އައިޖީއެމްޗުން މީގެ ކުރިން ވަނީ ބުނެފައެވެ. މިހާރު އެ ހޮސްޕިޓަލުގެ އިމަޖެންސީ ރޫމުގައި ޚިދުމަތްދެމުން އަންނަނީ 7 އެނދުގެ ތަނެއްގައެވެ.
