ސަރުކާރުން މުޒާހަރާ ހުއްޓުމަށް މަސައްކަތްކުރި ނަމަވެސް، އިސްތަންބޫލް މޭޔަރ އެކްރެމް އިމަމޮއޮގްލޫ ހައްޔަރުކުރުމާއި ގުޅިގެން އެތަކެއް ހާސް ރައްޔިތުން މަގުމައްޗަށް ނުކުމެ އިހުތިޖާޖުކުރަމުންދާތީ ތުރުކީގައި މިވަނީ ހަލަބޮލިކަން އުފެދިފައެވެ. އެ ގައުމުގެ ރައީސް ރެޖެބް ޠައްޔިބް އެރްދޯގާންގެ ވާދަވެރިއެއް ކަމުގައިވާ އެންމެ މަޤްބޫލު އިދިކޮޅު ފަރާތުގެ ލީޑަރު ހައްޔަރުކުރެވުނީ 2025 މާރޗް 19 ވަނަ ދުވަހު ކޮރަޕްޝަނާއި ކުރްދިސްތާން ވޯކާޒް ޕާޓީ (ޕީކޭކޭ) ފަދަ ޓެރަރިސްޓް ޖަމާޢަތްތަކާއި ގުޅުންހުރި ކަމުގެ ތުހުމަތުގައެވެ.
2028 ވަނަ އަހަރުގެ ރިޔާސީ އިންތިޚާބުގައި ކެންޑިޑޭޓަކަށް ވެދާނެ ކަމަށް ޤަބޫލުކުރެވޭ، ސެކިއުލަރ ރިޕަބްލިކަން ޕީޕަލްސް ޕާޓީ (ސީއެޗްޕީ)ގެ ފާހަގަކޮށްލެވޭ މީހެއް ކަމުގައިވާ އިމަމޮއޮގްލޫ ހައްޔަރުކުރެވުނީ 100 އާ ގާތްކުރާ އެހެނިހެން ފަރާތްތަކާއެކު، އޭގެތެރޭގައި މުނިސިޕަލް މުވައްޒަފުން، ނޫސްވެރިން، އަދި ވިޔަފާރިވެރިން ހިމެނެއެވެ. އިސްތަންބޫލް ޕްރޮސިކިއުޓަރުގެ އޮފީހުން ބުނެފައިވަނީ އެފަރާތްތަކުގެ މައްޗަށް އެކްސްޓޯޝަން، ރިޝްވަތު، އަދި މުނިސިޕަލް ޓެންޑަރުތަކުގައި އޮޅުވާލުންތަކާއި އެކު ޕީކޭކޭއަށް އެހީތެރިވުމުގެ ތުހުމަތުތައް ކުރެވޭ ކަމަށެވެ. ސީއެޗްޕީގެ ލީޑަރު އޮޒްގުރު އޮޒެލް ހިމެނޭގޮތަށް ފާޑުކިޔާ ފަރާތްތަކުން މި ހައްޔަރުކުރުންތަކަކީ ދެކޮޅުވެރިކަން މަޑުޖައްސާލުމަށާއި އިމަމޮއޮގްލޫގެ ސިޔާސީ އުންމީދުތައް ނައްތާލުމަށް ކުރެވޭ މަސައްކަތެއް ކަމަށް ކުށްވެރިކޮށްފައިވެއެވެ. އޮޒެލް ވަނީ ”މިއީ އަޅުގަނޑުމެންގެ ދެން އަންނާނެ ރައީސާ ދެކޮޅަށް ކުރެވޭ މަސައްކަތްތަކެވެ“ ބުނެފައެވެ.
މުޒާހަރާތައް ފެށުނީ އިސްތަންބޫލުގައި ބުދަ ދުވަހު، މިހާރު އެވަނީ ތުރުކީގެ 81 ޕްރޮވިންސްގެ ތެރެއިން 32 އަށް ވުރެ ގިނަ ޕްރޮވިންސްތަކަށް ފެތުރިފައެވެ. މީގެތެރޭގައި ޤައުމުގެ ވެރިރަށް އަންކާރާ އަދި އިޒްމިރުވެސް ހިމެނެއެވެ. މާރޗް 26 އާ ހަމައަށް ދެމިގެންދާގޮތަށް ހަތަރު ދުވަހުގެ މަގުމަތީ އެއްވުމުގެ މަނާކުރުމެއް އޮތް ނަމަވެސް، މުޒާހިރާކުރާ މީހުން ފުލުހުންނާ ކޮންވެސް ވަރަކށް ކުރިމަލާން ޖެހެއެވެ. ފުލުހުން ވަނީ ޕެޕަރ ސްޕްރޭ، އަދި ބަރު ސްޕީޑުގައި ފެން މުޒާހިރާކުރާ މީހުންނާއި ދެކޮޅަށް ބޭނުންކޕށްފައެވެ. ހޮނިހިރު ދުވަހު، އެ ގައުމުގެ އިންޓީރިއަރ މިނިސްޓްރީން ބުނެފައިވަނީ ރޭގަނޑުގެ މުޒާހަރާތަކުގައި 343 މީހުން ހައްޔަރުކުރެވިފައިވާ ކަމަށާއި، 37 އެހެން މީހުން ސޯޝަލް މީޑިއާ ޕޯސްޓުތަކާ ގުޅިގެން ހައްޔަރުކުރެވިފައިވާ ކަމަށެވެ. އިސްތަންބޫލް ޔުނިވަރސިޓީން ނެގިފައިވާ ފުޓޭޖްތަކުގައި ދައްކާގޮތުން ދަރިވަރުން ހަތިޔާރާއިއެކު ފުލުހުންނާ ކުރިމަތިލަމުންދާ މަންޒަރު ފެނިފައިވެއެވެ.
ހައްޔަރުކުރުމުން ތުރުކީގެ މާކެޓުތަކަށް ވަނީ ބޮޑު އަސަރުތަކެއް ކޮށްފައެވެ. ލިރާ ބުދަ ދުވަހު ޑޮލަރަކާ އަޅާބަލާއިރު 42 އަށް އަރައި، ރެކޯޑު ދަށަކަށް ގޮސްފައިވެއެވެ. ނަމަވެސް ހަފުތާގެ ނިޔަލަށް 37.665 އަށް ރަގަޅު ވެފައިވެއެވެ. އެ ގައުމުގެ ސެންޓްރަލް ބޭންކުން ފައިސާގެ އަގު ހަމަޖައްސަން ގާތްގަނޑަކަށް 10 ބިލިއަން ޑޮލަރުގެ ވިއްކާފައިވާކަމަށް ރިޕޯޓްކުރެވެއެވެ. ލިރާއަކީ ފާއިތުވި އަހަރު ޑޮލަރާ އަޅާބަލާއިރު 15% އަގު ދަށްވެފައިވާ ފައިސާއެކެވެ.
